Frétt

| 11.05.2000 | 10:12Nú er höfnin auð og tóm

Stærsta höfnin á Vestfjörðum er á Ísafirði. Nú ætti kannski að bæta því við að höfuðstaður Vestfjarða sé innan marka Ísafjarðarbæjar. Auk hennar eru þær margar í þéttbýlisstöðum í fjórðungnum. Reyndar eru nokkrar þeirra í Ísafjarðarbæ, hvorki fleiri né færri þrjár til viðbótar. Í Bolungarvík er sæmilega stór höfn og ein í Súðavík. Þrjár eru í Vesturbyggð og tvær í Strandasýslu.

Hafnirnar voru og eru enn víða lífæðar sjávarbyggðanna umhverfis Ísland. Þar gerðist allt. Bátar, fiskiskip allskonar og togarar komu og fóru og lágu þess á milli við bryggju. Auk þeirra komu strandferðaskip reglulega við á siglingu sinni um landið. En nú er margt breytt. Ríkisskip heyrir sögunni til eins og Hafskip. Samskip og Eimskip lifa enn, þótt hið fyrrnefnda hafi lagt af strandsiglingar. Ferjusiglingar hafa víða lagst af. Ísafjarðardjúp er gott dæmi um það. Breyttar samgöngur, einkum á landi eru aðalástæða minnkandi strandsiglinga og ferjureksturs. Akraborgin hvarf með tilkomu Hvalfjarðarganga. Enn lifa Herjólfur og Breiðafjarðarferjan Baldur og Hríseyjarferjan, ef hún verður komin í gagnið áður en atvinna og byggð leggst af í Hrísey.

Sé litið yfir höfnina á Ísafirði, þá stærstu á Vestfjörðum, bregður mörgum við. Hún er venjulega auð og tóm, ef frá er talið Fagranesið, sem ekki siglir lengur um Djúpið. Þar hefur byggð hrakað og vegir skánað nóg til þess að ekki er lengur grundvöllur til þess að reka bílaferju.

Fiskiskipin eru mun fáséðari í Ísafjarðarhöfn en áður og gildir það að mestu um allar hinar hafnirnar á Vestfjörðum. Stórkostleg uppstokkun í sjávarútvegi í kjölfar kvótakerfisins hefur haft þessi áhrif. Skipum hefur fækkað í fiskiskipaflotanum í kjölfar samdráttar kvóta á færri hendur. Þessi samsöfnun leiddi til sameiningar fyrirtækja í stærri og færri. Afleiðingin var sú að skipum hefur fækkað um landið allt.

Ólgan og iðandi mannlífið, sem áður ríkti á höfninni, eru ekki lengur svipur hjá sjón og er mikill söknuður að þessum ótvíræðu merkjum um athafnasemi og verðmætasköpun.

Einmitt þess vegna er sérstaklega fagnað framtaki tveggja einstaklinga á Ísafirði, sem hafa fest kaup á skipi, tvíbytnu til farþegaflutninga. Þetta nýja skip mun væntanlega flytja farþega til Hornstranda og víðar og koma að einhverju leyti í stað Fagraness, sem suma dagana er eina undantekningin á því, að Ísafjarðarhöfn, sé auð og tóm. Nýja skipinu, sem bera mun 120 farþega, fylgir fjörugt mannlíf á höfninni og um leið nauðsynlegur ferskur blær ferðamanna á leið norður í eyðibyggðir. Vonandi er þetta framtak ásamt fleiru, er fylgja kann í kjölfarið, hluti þeirrar baráttu, sem snýr undanhaldi byggðar á Vestfjörðum í sókn. Eyðibyggðirnar eru nógu stórar nú þegar.

bb.is | 26.09.16 | 16:52 Uppáhaldslög einstaks tónlistarmanns

Mynd með frétt Vilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira

bb.is | 26.09.16 | 14:56Reisa þrjú hús í vetur

Mynd með fréttÍ dag var greint frá að Húsasmiðjan reisir nýtt verslunarhús á Ísafirði og sjá Vestfirskir verktakar ehf. um byggingu hússins. Vestfirskir verktakar eru með fleiri járn í eldinum og eru nú að reisa tvær skemmur á Mávagarði. „Skemmurnar seldust eins og ...
Meira

bb.is | 26.09.16 | 13:23Vott og vindasamt á gangnafólk

Mynd með fréttÞað er ekki hægt að segja annað en heilt yfir hafi veðrið leikið við Vestfirðinga það sem af er árinu 2016. Veturinn var mildur, vorið fallegt og sumarið gott. Haustið fram til þessa hefur sýnt sína fegurstu ásjónu og einnig látið ...
Meira

bb.is | 26.09.16 | 11:48Húsasmiðjan opnar nýja verslun í vor

Mynd með fréttHúsasmiðjan opnar nýja verslun á Ísafirði vorið 2017 og hefur undirritað samning við Vestfirska verktaka um byggingu hins nýja húsnæðis við Æðartanga á Ísafirði. Nýja verslunin verður rúmir 1.100 fermetrar og mun sameina starfsemi Húsasmiðjunnar á Ísafirði á einn stað en ...
Meira

bb.is | 26.09.16 | 09:37Forvitnilegir fyrirlestrar um grænlensk samfélög

Mynd með fréttDr. Kåre Hendriksen, sérfræðingur um málefni Grænlands og dósent við danska Tækniháskólann, heldur tvo fyrirlestra um Grænland í Háskólasetri Vestfjarða í dag. Fyrri fyrirlesturinn fer fram í hádeginu og þar verður fjallað um félagshagfræðilegt mikilvægi grænlenskra byggða. Síðari fyrirlesturinn verður í ...
Meira

bb.is | 26.09.16 | 09:02Lilja Rafney sigraði í prófkjörinu

Mynd með fréttÚrslit úr prófkjöri Vinstri hreyfingarinnar – græns framboð í Norðvesturkjördæmi lágu fyrir í gær. Lilja Rafney Magnúsdóttir, alþingismaður frá Suðureyri, sigraði í prófkjörinu og Bjarni Jónsson, sveitarstjórnarmaður frá Sauðárkróki, varð í öðru sæti. Bjarni sóttist eftir fyrsta sæti líkt og Lilja ...
Meira

bb.is | 26.09.16 | 07:34Eyþór sýnir á RIFF

Mynd með fréttFlateyringurinn Eyþór Jóvinsson frumsýnir nýjustu afurð sína, stuttmyndina Litla stund hjá Hansa, á alþjóðlegu kvikmyndahátíðinni RIFF sem hefst í Reykjavík þann 29.september. Eyþór er bæði leikstjóri og handritshöfundur myndarinnar, sem er byggð á smásögu Þórarins Eldjárn. Það er annar Vestfirðingur, Tálknfirðingurinn ...
Meira

bb.is | 23.09.16 | 16:49Ráðast í endurbætur á Guðmundarbúð

Mynd með fréttTil stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira


Byggir á LiSA vefumsjónarkerfi frá Eskli