Frétt

bb.is | 17.08.2004 | 15:04Loftleiðastemmning í London

Vestfirðingur, vél Loftleiða.
Vestfirðingur, vél Loftleiða.
Dagana 4.-6. september efnir Flugmálafélag Íslands til óvenjulegrar hópferðar til London í tilefni af því að hið forna flugfélag Loftleiðir á 60 ára afmæli. Ferðin verður farin undir kjörorðinu „Loftleiðastemming í London“. Í virðingarskyni verða þrír af elstu núlifandi flugmönnum Loftleiða heiðursgestir í ferðinni. Þetta eru þjóðþekktir menn fyrir störf sín að flugmálum; þeir Magnús Guðmundsson, Smári Karlsson og Dagfinnur Stefánsson en þeir eru á aldrinum 79-88 ára. „Ég veit að mjög margir Vestfirðingar þekkja þessa frábæru Loftleiðastráka síðan í gamla daga og vina- og kunningjatengsl hafa myndast. Þess vegna er tilvalið tækifæri að endurnýja hin gömlu góðu kynni í skemmtilegu andrúmslofti í heimsborginni London”, segir Gunnar Þorsteinsson hjá Flugmálafélaginu sem jafnframt verður fararstjóri í ferðinni.

Gunnar segir að þrátt fyrir háan aldur séu Loftleiðastrákarnir við ótrúlega góða heilsu, bráðhressir og sprækir. Aðrir heiðursgestir verða Arngrímur Jóhannsson stjórnarformaður Flugfélagsins Atlanta og Ómar Ragnarsson fréttmaður sem jafnframt mun halda kvöldskemmtun. „Þarna verður landslið Íslands í flugmálum”, segir Gunnar.

Flugfélagið Loftleiðir stundaði innanlandsflug á árunum 1944-1952 og lagði sérstaka áherslu á að þjóna Vestfjörðum og Vestmannaeyjum, enda báru flugvélar félagsins nöfn eins Vestfirðingur og Helgafell. Hinir ungu og spræku flugmenn Loftleiða þóttu harðsæknir og nutu mikilla vinsælda meðal heimamanna, jafnt fyrir vestan sem í Eyjum.

Flogið verður til London að morgni laugardagsins 4. september og komið aftur til Keflavíkur þremur dögum síðar. Hápunktur ferðarinnar verður heimsókn á flugsýningu í Duxford flugminjasafninu sem er það stærsta í Evrópu, en þar er jafnframt vopna- og herbílasafn. Þar verður fjögurra tíma flugsýning með gömlum vélum úr fyrri heimstyrjöldinni, orrustu- og sprengjuvélum úr þeirri síðari, þyrlum, Nimrod-kafbátaeftirlitsvélum og farþegaþotum. Lokaatriði sýningarinnar verður listflugssýning Rauðu örvanna, hinna heimsfrægu flugsveitar. „Þetta verður eiginlega flugeldasýning með öllum mögulegum flugvélagerðum sem til eru á Bretlandseyjum”, segir Gunnar.

Þá verður litið við á Vísinda- og tækniminjasafninu og skoðað gamla gufuknúna orrustuskipið Belfast er liggur við festar við Thames. Einnig verður í boði að minnsta kosti einn sameiginlegur hátíðarkvöldverður og heimboð í einkaklúbb konunglega breska flughersins en þangað er afar erfitt að komast. Ferðin kostar um 49.000 krónur og er þá allt innifalið nema matur.

halfdan@bb.is

bb.is | 09.12.16 | 17:17 Í æfingabúðum á Ítalíu

Mynd með frétt Um þessar mundir eru þrír Íslenskir skíðagöngumenn í æfingabúðum á vegum FIS á Ítalíu. Hópurinn samanstendur af Ísfirðingnum og gönguskíðakappanum Alberti Jónssyni, gönguskíðaþjálfara Skíðafélags Ísfirðinga Steven Gromatka, og Kristrúnu Guðnadóttur frá skíðafélaginu Ulli. Æfingabúðirnar eru nýjar fyrir Skíðasamband Íslands, en ...
Meira

bb.is | 09.12.16 | 16:49Blakveisla á helginni

Mynd með fréttÍ dag kl. 20:00 etja kappi okkar konur í blaki og Ýmir í 1. deild Íslandsmótsins og má reikna með skemmtilegri baráttu. Blaklið Vestra koma vel undan sumri þetta árið og rífandi gangur hjá báðum liðum. Kvennaliðið er núna í fjórða ...
Meira

bb.is | 09.12.16 | 15:54Hefja gerð Menningarstefnu Vestfjarða

Mynd með fréttAðalfundur Félags vestfirskra listamanna verður haldinn á Edinborg Bistró næstkomandi þriðjudag og mætir til þingsins Skúli Gautason sem nýverið tók við starfi menningarfulltrúa Vestfjarða. Mun Skúli segja frá Uppbyggingarsjóði Vestfjarða sem hefur á ný auglýst eftir umsóknum og verður með opið ...
Meira

bb.is | 09.12.16 | 14:50Stjórnvöld og Seðlabanki leiti lausna

Mynd með fréttGísli Halldór Halldórsson, bæjarstjóri Ísafjarðarbæjar, tekur undir með áhyggjuröddum að sterkt gengi krónunnar hafi slæm áhrif á útflutningsfyrirtæki. Hann segir uppsagnir líkar þeim sem voru gerðar hjá Kampa í gær hafa legið í loftinu. „Það er mikið áhyggjuefni þegar fyrirtæki með ...
Meira

bb.is | 09.12.16 | 13:25Verulegur aukakostnaður vegna barnaverndar

Mynd með fréttFram kemur í fjárhagsáætlun Ísafjarðarbæjar að árið 2016 skeri sig úr vegna mikils kostnaðar við barnavernd. Ástæðan er fyrst og fremst veruleg hækkun lögfræðikostnaðar vegna málarekstrar og hækkun vistunarkostnaðar. Í áætlun kemur fram að ekki er gert ráð fyrir slíkum kostnaði ...
Meira

bb.is | 09.12.16 | 11:45Nú í höndum fjárlaganefndar

Mynd með fréttFyrstu umræðu um fjárlagafrumvarp fyrir 2017 er nú lokið og fjárlaganefnd hefur fengið frumvarpið aftur til meðhöndlunar. Fyrsti fundur nefndarinnar var haldinn í morgun og næsti fundur er boðaður á mánudag. Samkvæmt heimildum bb.is mun verða lögð fram tillaga um að ...
Meira

bb.is | 09.12.16 | 10:59Í lausu lofti á Vestfjörðum

Mynd með fréttÍ nýútkomnu tónlistarmyndbandi Peter Piek við lagið 1st Song má sjá tónlistarmanninn ásamt fjölda annarra hoppandi um víðan völl. Landslag, aðstæður og jafnvel einstaklingar koma kunnuglega fyrir sjónir, því myndbandið var tekið upp hér á landi og að stórum hluta á ...
Meira

bb.is | 09.12.16 | 09:33Styrking krónu kallar á agaðri hagstjórn

Mynd með fréttÍ gær bárust fréttir af því að Kampi á Ísafirði hefði sagt upp sjö manns vegna erfiðs reksturs sem rekja má til sterkrar stöðu íslensku krónunnar gagnvart breska pundinu. Teitur Björn Einarsson, þingmaður Norðvesturkjördæmis, segir styrkingu krónunnar ískyggilega þróun: „Þetta er ...
Meira

bb.is | 09.12.16 | 09:01Voru gestir á finnska forsetaballinu

Mynd með fréttÍsfirðingnum Huldu Leifsdóttur og eiginmanni hennar Tapio Koivukari var boðið á forsetaball finnska forsetans í tilefni þjóðhátíðardags Finna. Ballið var haldið í forsetahöllinni í Helsinki 6. desember. Hulda er búsett í Finnlandi, en Tapio, maður Huldu, er rithöfundur og fékk í ...
Meira

bb.is | 09.12.16 | 07:41Launahækkanir kennara kosta um 46,1 milljónir

Mynd með fréttHeildaráhrifin af kjarasamningunum kennara nema um 46,1 milljónum króna fyrir Ísafjarðarbæ. Samkvæmt nýgerðum kjarasamningum við grunnskólakennara fela samningarnir í sér 7,5% launahækkun frá 1. des 2016, og 3,5% hækkun frá 1. mars 2017. Auk þess felur samningurinn í sér að greiða ...
Meira


Byggir á LiSA vefumsjónarkerfi frá Eskli