Frétt

| 02.07.2001 | 16:34Dæmdir fyrir rán

Tveir ungir karlmenn, 21 árs að aldri, voru í Héraðsdómi Reykjavíkur í morgun dæmdir í 26 mánaða fangelsi og 24 mánaða fangelsi fyrir rán og ránstilraunir í sex söluturnum í Reykjavík og Kópavogi í byrjun þessa árs. Þá var mönnunum gert að greiða auk sakarkostnaðar samtals um 240 þúsund krónur í skaða- og miskabætur. Mbl.is greindi frá.
Mennirnir játuðu brot sín en þeir hafa setið í gæsluvarðhaldi frá 12. febrúar sl. Dregst gæsluvarðhaldsvistin frá refsingunni.
Forsaga málsins er sú að í janúar og febrúar sl. voru framin nokkur vopnuð rán í söluturnum í Reykjavík og nágrenni. Fyrsta ránið var framið 14. janúar í söluturni við Iðufell. Greindi afgreiðslustúlkan frá því að tveir grímuklæddir menn hefðu komið inn með barefli og hnífa og neytt hana til að afhenda þeim 62.000 kr. úr peningakassa verslunarinnar og tvo sígarettupakka.

Næsta rán var framið 25. janúar í söluturninum Smáranum við Dalveg í Kópavogi. Þar lýsti afgreiðslustúlkan einnig tveimur grímuklæddum mönnum sem hefðu hótað henni með hnífum. Höfðu þeir á brott með sér 15.000 kr. úr peningakassa verslunarinnar og nokkra sígarettupakka.

Þriðja ránið var framið 27. janúar í söluturni við Grundarstíg 12 í Reykjavík. Þar voru á ferð, að sögn afgreiðslumanns, tveir grannvaxnir menn með skíðahettur á höfði, vopnaðir hnífum. Neyddu þeir afgreiðslumanninn til að afhenda sér 60.000 kr. úr peningakössum verslunarinnar.

Fjórða ránið var framið í söluturninum Bláa turninum, Háaleitisbraut 66. Afgreiðslufólk greindi frá því að tveir hettu- og grímuklæddir menn hefðu komið inn, annar þeirra hefði stokkið yfir afgreiðsluborðið og tekið í eina afgreiðslustúlkuna og haldið hníf upp að kvið hennar. Síðan hefði hann skipað henni að setja peninga í poka. Hinn maðurinn hefði haldið í hár annarrar afgreiðslustúlku og haldið hníf við háls hennar á meðan hann skipaði henni að taka peninga úr lottó-sjóðvél. Samtals höfðu þeir á brott með sér 75.000 kr.

Í fimmta sinn, hinn 11. febrúar, höfðu mennirnir ekki erindi sem erfiði en þá tilkynnti eigandi söluturnsins við Grundarstíg 12, að tveir menn hefðu reynt að ráðast til inngöngu í verslunina. Hann hefði hins vegar verið búinn að læsa hurðinni. Mennirnir hefðu báðir verið með dökkar húfur á höfði. Þeir hefðu tekið nokkrum sinnum í hurðina en hlaupið á brott þegar það hefði ekki borið árangur.

Þá réðust mennirnir til atlögu í sjötta sinn seinna um kvöldið hinn 11. febrúar, en þá var tilkynnt um rán í söluturni við Grandaveg 47. Að sögn afgreiðslustúlkunnar höfðu hettuklæddir menn, vopnaðir hnífum, á brott með sér um 60. 000 kr.

Nokkrum mínútum síðar stöðvaði lögreglan í Reykjavík bifreið við gatnamót Hringbrautar og Njarðargötu. Í henni voru tveir menn er áttu við lýsinguna á ræningjunum. Í bifreiðinni fundust m.a. þrír hnífar, sokkabuxur með götum fyrir augu, peningar og greiðslukortanótur í plastpoka.

Mennirnir hafa setið í gæsluvarðhaldi óslitið frá 12. febrúar sl. og hafa frá upphafi gengist við fyrrgreindum ránum og ránstilraunum.

Í dómnum segir m.a. að brot ákærðu séu stórfelld og alvarleg. „Þeir hafa lýst því að þeir hafi lagt á ráðin um ránin í sameiningu og verið búnir að skipuleggja fyrsta ránið í um vikutíma en hin hafi verið handhófskennd að því er varðar þá staði sem þeir völdu. Í öllum tilfellunum voru ákærðu báðir vopnaðir hnífum og sýndu ógnandi framkomu, þó að ekki hafi hlotist líkamstjón af. Má líta til framburðar þeirra um að þeir hafi ákveðið fyrirfram að ef þeir mættu mótspyrnu myndu þeir leggja niður vopnin og fara. Á hinn bóginn voru þeir a.m.k. í sum skiptin undir áhrifum fíkninefna. Brotin voru framin til þess að fjármagna fíkniefnakaup og til greiðslu fíkniefnaskulda," segir m.a. í dómnum. Þá segir að til mildunar refsingar megi líta til þess að ákærðu hefðu gengist „skilmerkilega" við brotum sínum frá upphafi bæði hjá lögreglu og fyrir dómi. „Þeir eru ungir að árum og iðrast gerða sinna og óska báðir eftir aðstoð við að ná sér úr vítahring fíkniefnanna."

Auk fangelsisvistar var mönnunum gert að greiða eigendum söluturnanna og einni afgreiðslustúlku samtals um 240 þúsund kr. í skaða- og miskabætur.

bb.is | 27.09.16 | 09:37 Gerir athugasemd við úreltar tölur

Mynd með frétt Bæjarráð Ísafjarðarbæjar gerir athugasemd við að gamlar og úreltar tölur um fjölda skemmtiferðaskipa eru notaðar í drögum að matsáætlun Arnarlax fyrir 10.000 tonna laxeldi í Ísafjarðardjúpi. Í matsáætluninni er vísað í tölur frá 2009 þegar 29 skemmtiferðaskip komu til Ísafjarðar. Þeim ...
Meira

bb.is | 27.09.16 | 09:01Góðir gestir á minningartónleikum um Ragnar H. og Sigríði

Mynd með fréttHinir árlegu minningartónleikar um hjónin Sigríði Jónsdóttur og Ragnar H. Ragnar verða í Hömrum sunnudaginn 9.október kl. 17. Á tónleikunum koma fram ísfirski fiðluleikarinn Hjörleifur Valsson, fyrrum nemandi við Tónlistarskóla Ísafjarðar, sem nú starfar í Noregi og píanóleikarinn Ourania Menelaou. Hún ...
Meira

bb.is | 27.09.16 | 07:51Langvarandi fólksfækkun grafalvarleg

Mynd með fréttAf 74 sveitarfélögum fækkaði íbúum í 42 á árunum 2002 til 2016 en fjölgaði í 32. Mest fækkaði í sveitarfélögum á Vestfjörðum og Norðurlandi vestra. Þetta kom fram í kynningu Sigurðar Á. Snævarr, sviðsstjóra hag- og upplýsingasviðs Sambands íslenskra sveitarfélaga, á ...
Meira

bb.is | 26.09.16 | 16:52Uppáhaldslög einstaks tónlistarmanns

Mynd með fréttVilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira

bb.is | 26.09.16 | 14:56Reisa þrjú hús í vetur

Mynd með fréttÍ dag var greint frá að Húsasmiðjan reisir nýtt verslunarhús á Ísafirði og sjá Vestfirskir verktakar ehf. um byggingu hússins. Vestfirskir verktakar eru með fleiri járn í eldinum og eru nú að reisa tvær skemmur á Mávagarði. „Skemmurnar seldust eins og ...
Meira

bb.is | 26.09.16 | 13:23Vott og vindasamt á gangnafólk

Mynd með fréttÞað er ekki hægt að segja annað en heilt yfir hafi veðrið leikið við Vestfirðinga það sem af er árinu 2016. Veturinn var mildur, vorið fallegt og sumarið gott. Haustið fram til þessa hefur sýnt sína fegurstu ásjónu og einnig látið ...
Meira

bb.is | 26.09.16 | 11:48Húsasmiðjan opnar nýja verslun í vor

Mynd með fréttHúsasmiðjan opnar nýja verslun á Ísafirði vorið 2017 og hefur undirritað samning við Vestfirska verktaka um byggingu hins nýja húsnæðis við Æðartanga á Ísafirði. Nýja verslunin verður rúmir 1.100 fermetrar og mun sameina starfsemi Húsasmiðjunnar á Ísafirði á einn stað en ...
Meira

bb.is | 26.09.16 | 09:37Forvitnilegir fyrirlestrar um grænlensk samfélög

Mynd með fréttDr. Kåre Hendriksen, sérfræðingur um málefni Grænlands og dósent við danska Tækniháskólann, heldur tvo fyrirlestra um Grænland í Háskólasetri Vestfjarða í dag. Fyrri fyrirlesturinn fer fram í hádeginu og þar verður fjallað um félagshagfræðilegt mikilvægi grænlenskra byggða. Síðari fyrirlesturinn verður í ...
Meira

bb.is | 26.09.16 | 09:02Lilja Rafney sigraði í prófkjörinu

Mynd með fréttÚrslit úr prófkjöri Vinstri hreyfingarinnar – græns framboð í Norðvesturkjördæmi lágu fyrir í gær. Lilja Rafney Magnúsdóttir, alþingismaður frá Suðureyri, sigraði í prófkjörinu og Bjarni Jónsson, sveitarstjórnarmaður frá Sauðárkróki, varð í öðru sæti. Bjarni sóttist eftir fyrsta sæti líkt og Lilja ...
Meira


Byggir á LiSA vefumsjónarkerfi frá Eskli