Frétt

| 21.03.2000 | 13:33Málið bíður aðalfundar OV

Í Morgunblaðinu í dag er haft eftir Páli Péturssyni félagsmálaráðherra, að nú sé „beðið eftir að Vestfirðingar tilnefndu menn í viðræðunefnd" um sölu á hlut vestfirskra sveitarfélaga í Orkubúi Vestfjarða til Rafmagnsveitu ríkisins. Að því búnu muni formlegar viðræður um kaup ríkisins á Orkubúinu hefjast.
Fyrirsögn á umfjöllun Morgunblaðsins í dag, þar sem viðtal við ráðherrann um þetta efni er uppistaðan, er svohljóðandi:
„Viðræður um kaup ríkisins á Orkubúi Vestfjarða að hefjast".

Þetta virðist hins vegar hafa farið framhjá þeim forsvarsmönnum vestfirskra sveitarfélaga, sem Bæjarins besta ræddi við í morgun.

Í byrjun síðasta mánaðar var hér í blaðinu greint frá hugmyndum um breytingar á eignarhaldi á Orkubúi Vestfjarða, sem verið hafa til umræðu um alllangt skeið. Nú eiga sveitarfélög á Vestfjörðum samtals 60% í fyrirtækinu en ríkissjóður 40%. Fram hafa komið þrenns konar hugmyndir: Í fyrsta lagi að sveitarfélögin kaupi hlut ríkisins, í öðru lagi að þau selji ríkinu sinn hlut og í þriðja lagi að fyrirkomulagið verði óbreytt.

Hreyfing komst á þetta mál í september á síðasta hausti, þegar ríkisstjórnin samþykkti að til greina kæmi að athuga um kaup ríkisins á hlut sveitarfélaganna í Orkubúinu. Ástæðan mun hafa verið bréf Fjórðungssambands Vestfirðinga, þar sem reifaðir voru allir framangreindir kostir í stöðunni varðandi eignarhald á fyrirtækinu. Í framhaldi af þessu skipaði iðnaðarráðherra þriggja manna nefnd til að skoða málið. Jafnframt óskaði hann eftir því að stjórn Orkubúsins hlutaðist til um að sameigendur ríkisins í fyrirtækinu ræddu málið og skipuðu nefnd af sinni hálfu til viðræðna.

Í framhaldi af þessu sendi stjórn Orkubúsins sveitarfélögunum bréf og boðaði til fundar 14. janúar sl. Þar mættu fulltrúar flestra sveitarfélaganna og niðurstaða þeirra var að fresta afgreiðslu málsins til aðalfundar Orkubúsins sem verður væntanlega 28. apríl. Hins vegar kom fram, að vilji sveitarfélaganna virtist vera nokkuð skýr og hníga í þá átt, að viðhalda óbreyttu ástandi eða þá að sveitarfélögin reyni að eignast hlut ríkisins í fyrirtækinu.

Ekki er vitað til þess að breytingar hafi orðið á afstöðu þeirra sveitarfélaga sem áttu fulltrúa á fundinum 14. janúar. Þannig liggur fyrir af þeirra hálfu, að málið bíður afgreiðslu þangað til á aðalfundi Orkubús Vestfjarða sem haldinn verður í lok næsta mánaðar. Ekki er heldur vitað til þess að sveitarfélögin hafi kúvent frá umræddum fundi í afstöðu sinni til eignarhalds á fyrirtækinu.

Haft er eftir Páli Péturssyni í Morgunblaðinu, að ljóst sé, að verði af kaupum ríkisins á hlut sveitarfélaganna í Orkubúi Vestfjarða, „myndu möguleikar þeirra til að standa í skilum á lánum sem hvíldu á félagslegu íbúðunum batna verulega".

Þess má geta, að málefni Orkubús Vestfjarða heyra ekki undir félagsmálaráðherra. Hins vegar heyrir félagslega húsnæðiskerfið undir hann.

bb.is | 26.09.16 | 16:52 Uppáhaldslög einstaks tónlistarmanns

Mynd með frétt Vilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira

bb.is | 26.09.16 | 14:56Reisa þrjú hús í vetur

Mynd með fréttÍ dag var greint frá að Húsasmiðjan reisir nýtt verslunarhús á Ísafirði og sjá Vestfirskir verktakar ehf. um byggingu hússins. Vestfirskir verktakar eru með fleiri járn í eldinum og eru nú að reisa tvær skemmur á Mávagarði. „Skemmurnar seldust eins og ...
Meira

bb.is | 26.09.16 | 13:23Vott og vindasamt á gangnafólk

Mynd með fréttÞað er ekki hægt að segja annað en heilt yfir hafi veðrið leikið við Vestfirðinga það sem af er árinu 2016. Veturinn var mildur, vorið fallegt og sumarið gott. Haustið fram til þessa hefur sýnt sína fegurstu ásjónu og einnig látið ...
Meira

bb.is | 26.09.16 | 11:48Húsasmiðjan opnar nýja verslun í vor

Mynd með fréttHúsasmiðjan opnar nýja verslun á Ísafirði vorið 2017 og hefur undirritað samning við Vestfirska verktaka um byggingu hins nýja húsnæðis við Æðartanga á Ísafirði. Nýja verslunin verður rúmir 1.100 fermetrar og mun sameina starfsemi Húsasmiðjunnar á Ísafirði á einn stað en ...
Meira

bb.is | 26.09.16 | 09:37Forvitnilegir fyrirlestrar um grænlensk samfélög

Mynd með fréttDr. Kåre Hendriksen, sérfræðingur um málefni Grænlands og dósent við danska Tækniháskólann, heldur tvo fyrirlestra um Grænland í Háskólasetri Vestfjarða í dag. Fyrri fyrirlesturinn fer fram í hádeginu og þar verður fjallað um félagshagfræðilegt mikilvægi grænlenskra byggða. Síðari fyrirlesturinn verður í ...
Meira

bb.is | 26.09.16 | 09:02Lilja Rafney sigraði í prófkjörinu

Mynd með fréttÚrslit úr prófkjöri Vinstri hreyfingarinnar – græns framboð í Norðvesturkjördæmi lágu fyrir í gær. Lilja Rafney Magnúsdóttir, alþingismaður frá Suðureyri, sigraði í prófkjörinu og Bjarni Jónsson, sveitarstjórnarmaður frá Sauðárkróki, varð í öðru sæti. Bjarni sóttist eftir fyrsta sæti líkt og Lilja ...
Meira

bb.is | 26.09.16 | 07:34Eyþór sýnir á RIFF

Mynd með fréttFlateyringurinn Eyþór Jóvinsson frumsýnir nýjustu afurð sína, stuttmyndina Litla stund hjá Hansa, á alþjóðlegu kvikmyndahátíðinni RIFF sem hefst í Reykjavík þann 29.september. Eyþór er bæði leikstjóri og handritshöfundur myndarinnar, sem er byggð á smásögu Þórarins Eldjárn. Það er annar Vestfirðingur, Tálknfirðingurinn ...
Meira

bb.is | 23.09.16 | 16:49Ráðast í endurbætur á Guðmundarbúð

Mynd með fréttTil stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira


Byggir á LiSA vefumsjónarkerfi frá Eskli