Frétt

| 27.04.2001 | 09:23Námslán hækka.

Stjórn Lánasjóðs íslenskra námsmanna samþykkti í gær að hækka grunnframfærslu námsmanna á mánuði úr 66.500 kr. í 69.500 kr eða um 4,5%. Frítekjumark hækkar í 280 þúsund úr 265 þúsund krónum. Þetta kemur fram í fréttatilkynningu sem Stúdentaráð Háskóla Íslands sendi frá sér í gærkvöldi og er svohljóðandi:
„Nú síðdegis samþykkti stjórn Lánasjóðs íslenskra námsmanna endurskoðaðar úthlutunarreglur fyrir námsárið 2001 - 2002. Megin breytingarnar felast í hækkun grunnframfærslu á mánuði úr 66.500,- kr. í 69.500.- kr. eða um 4.5% og hækkun frítekjumarks úr 265.000,- kr. í 280.000,- kr eða um 5.7%. Í báðum tilvikum talsverð hækkun umfram vísitölu. Einnig var reglan um hámarksnámslengd rýmkuð.

Fulltrúar námsmannahreyfinganna fagna þeim breytingum sem gerðar hafa verið á úthlutunarreglunum og telja að með þeim sé stigið skref í átt að sanngjarnara lánasjóðskerfi. Meirihluti stjórnar LÍN féllst á kröfur námsmannahreyfinganna um að grunnframfærsla LÍN væri of lág og hækkaði húsnæðisþátt framfærslugrunns LÍN til móts við kröfur námsmanna, en námsmannahreyfingarnar hafa undanfarið lagt á það sérstaka áherslu að húsnæðis- og menntunarkostnaður væri vanreiknaður í framfærslugrunni LÍN.

Í bókun sem fulltrúar námsmannahreyfinganna lögðu fram við samþykkt reglnanna fagna þær því að sátt hafi náðst um hækkun grunnframfærslu og telja að hún feli í sér kjarabót fyrir námsmenn. Námsmannahreyfingarnar lögðu hinsvegar áherslu á í bókun sinni að enn væri langt í land með að grunnframfærslan endurspeglaði raunverulega framfærsluþörf námsmanna og telja sig hafa sýnt fram á að hún þurfi að hækka umtalsvert meira til að svo sé. Einnig ítrekuðu námsmannahreyfingarnar kröfur sínar um afnám tekjutengingar við maka."

bb.is | 28.09.16 | 16:50 Grunnskólanemar dýrmætri reynslu ríkari eftir heimsókn til Þýskalands

Mynd með frétt Ísafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira

bb.is | 28.09.16 | 14:34Fyrirtækjamót Ívars — styttist í mót

Mynd með fréttNú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira

bb.is | 28.09.16 | 07:47Ævintýraleg skötuselsveiði

Mynd með frétt„Veiðin hefur verið í einu orði sagt ævintýraleg. Við lögðum netin úti af Grænuhlíð í Ísafjarðardjúpi þann 7. september, erum búnir að draga 1.000 net og komnir með 60 tonn af skötusel,“ sagði Jóhann Benónýsson skipstjóri á Glófaxa VE þegar Fiskifréttir ...
Meira

bb.is | 27.09.16 | 16:50Velunnurum þakkaður hlýhugur

Mynd með fréttBoðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira


Byggir á LiSA vefumsjónarkerfi frá Eskli