Frétt

Leiðari 14. tbl. 2001 | 04.04.2001 | 17:01Í fyrsta, öðru og þriðja ....

Í fyrsta lagi líður ekkert ár án þess að upp dúkki krafa um skattalækkanir og umræða um skattsvik og neðanjarðarhagkerfi, þar sem himinháar summur flakka á milli manna án þess að „keisarans“ sé minnst þar í nokkru.

Í öðru lagi brýst umræðan um óréttlætið í skattlagningu þegnanna reglulega upp á yfirborðið enda af nægu að taka í þeim efnum. Í framhaldi rifjast gjarnan upp fyrir mönnum, að hingað til hefur enginn stjórnmálaflokkur haft getu eða vilja til að stinga á meinsemdunum svo neinu nemi.

Í þriðja lagi fylgja umræðunni um skattamál stöðugar áminningar sjálfskipaðra postula um að enginn fari eins illa með fjármuni og „hið opinbera“, þ.e. ríki og sveitarfélög, og allt sem til þeirra rennur sé glatað fé. Trúi því hver sem trúa vill.

– – –

Eigum við enn einu sinni að rifja upp þau orð þingmanns á hinu háa Alþingi, þegar staðgreiðslu skatta var komið á, að helsta breytingin fælist í því að „staðgreiða óréttlætið“? Eða minna á hugmyndir Krata og Íhalds um afnám tekjuskattsins í áföngum? Óþarfi er að rifja upp rök þessara flokka fyrir afnámi skattsins. Þau eru í fullu gildi þótt fyrirheitin hafi fallið í gleymskunnar dá og viljinn til að aflétta ranglætinu sofnað.

Því ekki eina ferðina enn að minna á ranglætið sem felst í greiðslu fasteignaskatts af íbúð til eigin nota? Húsnæði þar sem eigandinn er í flestum tilfellum búinn að greiða tekjuskatt og annan kostnað af fjármunum sem aflað var til að eignast húsnæðið?

Og hví skyldum við gleyma tvísköttun lífeyrisgreiðslna til eftirlaunaþega? Þeir eru látnir greiða fullan tekjuskatt af ávöxtun fjármuna, sem þeir lögðu til hliðar til elliáranna með greiðslum í lífeyrissjóði í áratugi, líkt og um laun fyrir vinnu væri að ræða. Á meðan greiða vatnsgreiddu verðbréfadrengirnir einungis 10% af ágóðanum í milljónabraskinu á verðbréfamarkaðnum.

– – –

Á meðan stjórnvöld, hverju nafni sem þau nefnast, sýna lítinn skilning og engan vilja til að aflétta augljósu ranglæti í skattlagningu þegnanna, er full nauðsyn á umræðu, full nauðsyn að kröfu um jafnan rétt fólks í þessu landi sé haldið á lofti. Og í engu verði til slakað.

Svo einfalt er þetta nú þótt það vefjist ótrúlega fyrir þingmönnum og stjórnvöldum að átta sig á þessu.
s.h.


bb.is | 23.09.16 | 16:49 Ráðast í endurbætur á Guðmundarbúð

Mynd með frétt Til stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira

bb.is | 23.09.16 | 13:25Jólasúkkulaði í bígerð hjá Sætt og salt

Mynd með fréttMikið hefur verið að gera á súkkulaðiverkstæði Elsu G. Borgarsdóttur í Súðavík, þar sem hún framleiðir dýrindis súkkulaði undir merkjum Sætt og salt. Í haust bauð hún í fyrsta sinn upp á árstíðabundna vöru er hvítt súkkulaði með ferskum aðalbláberjum og ...
Meira

bb.is | 23.09.16 | 11:50Flateyringar beðnir afsökunar

Mynd með fréttHeilbrigðiseftirlit Vestfjarða brást ekki við á réttan hátt og stóð sig ekki í upplýsingagjöf um saurgerlamengun í neysluvatni Flateyringa sem upp kom í byrjun mánaðarins. Ísafjarðarbær var ekki látinn vita þegar saurgerlamengun greindist fyrst í neysluvatni Flateyringa. Þetta er haft eftir ...
Meira

bb.is | 23.09.16 | 09:22Utankjörfundaratkvæðagreiðsla hafin

Mynd með fréttUtankjörfundaratkvæðagreiðsla erlendis vegna alþingiskosninga 29. október 2016 hefst í dag og fer fram í öllum sendiráðum Íslands erlendis, aðalræðisskrifstofum Íslands í New York, Winnipeg, Nuuk og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands ...
Meira

bb.is | 23.09.16 | 09:01Bolungarvíkurkaupstaður opnar nýjan vef

Mynd með fréttNýr vefur hefur verið tekin í gagnið fyrir Bolungarvíkurkaupstað á vefslóðinni www.bolungarvik.is. Vefurinn lagar sig að ólíkum skjástærðum eins og skjám síma og smátölva ásamt því að virka vel á hefðbundnum tölvuskjá. Viðmót vefsins býður upp á ýmis frekari þægindi eins ...
Meira

bb.is | 23.09.16 | 07:34Tvöfaldar nemendafjöldann

Mynd með fréttFyrr í vikunni birti forsætisráðuneytið aðgerðaráætlun fyrir Vestfirði sem unnin var af nefnd um samfélags- og atvinnuþróun á Vestfjörðum undir forystu ráðuneytisins. Í aðgerðaráætluninni er lagt til að Háskólasetri Vestfjarða verði gert kleift að setja á fót nýja námsleið á meistarastigi ...
Meira

bb.is | 22.09.16 | 16:53Kómedíuleikhúsið frumsýnir í fertugasta sinn

Mynd með fréttÁ sunnudag frumsýnir Kómedíuleikhúsið nýjustu afurð sína; einleik um einbúann Gísla á Uppsölum. Er þetta 40. uppsetning hins vestfirska leikhúss frá því það tók til starfa árið 1997 og hafa öll leikverkin að einu undanskildu verið íslensk. Drjúgum tíma hefur verið ...
Meira

bb.is | 22.09.16 | 15:53Fjárhagslegur ávinningur má ekki skarast á við lífsgæði íbúa

Mynd með fréttÍ gær lauk skemmtiferðaskipavertíðin á Ísafirði þetta árið, er áttugasta og þriðja skemmtiferðaskipið kom í Skutulsfjörð – og hafa þau aldrei verið fleiri. Reyndar til útskýringa þá hafa skipin sem slík ekki verið 83, sum koma nokkrum sinnum yfir sumarmánuðina og ...
Meira

bb.is | 22.09.16 | 14:48Haustjafndægur í dag

Mynd með fréttHaustjafndægur eru í dag 22. september, nánar tiltekið kl. 14.21. Jafndægur eru tvisvar á ári, um 20.-21. mars og 22.-23. september. Tímasetningin hnikast örlítið milli ára, eftir því hvernig stendur á hlaupári. Jafndægur miðast við að þá er sólin beint yfir ...
Meira


Byggir á LiSA vefumsjónarkerfi frá Eskli