Frétt

| 22.03.2001 | 16:14Tilraunaleyfi til laxeldis

Guðni Ágústsson landbúnaðarráðherra tilkynnti, við athöfn um borð í hafnsögubátnum Lóðsinum í Klettsvík í Vestmannaeyjum, í morgun að hann væri að vinna að því að fyrirtækinu Íslandslaxi verði veitt tímabundið tilraunaleyfi til laxeldis í Vestmannaeyjum. Sagði Guðni að Íslandslax hafi um nokkurt skeið skoðað og metið aðstæður til laxeldis í sjókvíum í Eyjum og óskað eftir leyfi til slíks reksturs. Tilraunin verður samstarfsverkefni undir stjórn Veiðimálstofnunar og með þátttöku Rannsóknasetursins í Vestmannaeyjum, embættis dýralæknis fisksjúkdóma, Íslandslax og fleiri aðila. Frá þessu er greint á Mbl.is
Þingflokkur Framsóknarflokksins var í kynnisferð í Vestmannaeyjum í morgun og kynnti sér starsfemi nokkurra fyrirtækja í bænum. Guðni sagði, þegar hann tilkynnti um leyfisveitinguna, að laxeldi væri ekki alveg nýtt af nálinni í Eyjum því ÍSNO hefði stundað laxeldi í Klettsvík um 6 ára skeið í lok áttunda áratugsins. Sagði Guðni að sérfræðingar sínir segðu að skilyrði fyrir laxeldi væru þar að mörgu leyti ákjósanleg. Sjávarhiti væri hvað hæstur við strendur landsins en veðurfar gæti verið rysjótt.

Landbúnaðarráðherra sagði að ekki væri líklegt að laxeldi í Vestmannaeyjum valdi unhverfinu skaða þótt ekki væri hægt að útiloka neitt. Hann sagðist því vilja fara varlega en styddi 3 ára tilraunaeldi þar sem alin verði allt að þúsund tonn af laxi á ári. Þannig fengist reynsla af eldinu og nauðsynleg þekking á því hvort umhverfinu stafi hætta af. Í lok tilraunatímans verða tilraunaniðurstöður nýttar til að meta hvort heimila eigi áframhaldandi eldi eða aukingu í magni.

bb.is | 28.09.16 | 14:34 Fyrirtækjamót Ívars — styttist í mót

Mynd með frétt Nú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira

bb.is | 28.09.16 | 07:47Ævintýraleg skötuselsveiði

Mynd með frétt„Veiðin hefur verið í einu orði sagt ævintýraleg. Við lögðum netin úti af Grænuhlíð í Ísafjarðardjúpi þann 7. september, erum búnir að draga 1.000 net og komnir með 60 tonn af skötusel,“ sagði Jóhann Benónýsson skipstjóri á Glófaxa VE þegar Fiskifréttir ...
Meira

bb.is | 27.09.16 | 16:50Velunnurum þakkaður hlýhugur

Mynd með fréttBoðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira

bb.is | 27.09.16 | 14:50Píratar og Sjálfstæðisflokkur stærstir

Mynd með fréttPíratar og Sjálfstæðisflokkurinn mælast stærstir í nýjustu könnun MMR sem framkvæmd var dagana 20. til 26. september. Flokkarnir mælast þó með örlítið minna fylgi en í síðustu könnun þegar báðir flokkarnir mældust með 22,7% fylgi. Nú mælast Píratar með 21,6% og ...
Meira

bb.is | 27.09.16 | 13:23Vilja ráða sálfræðing og barnalækni í fastar stöður

Mynd með fréttReglulegar heimsóknir sérfræðinga við Heilbrigðisstofnun Vestfjarða eru umsetnar og oftast komast færri að en vilja. Í frétt á RÚV var greint frá því að á þriðja hundrað manns séu á biðlista eftir augnlækni, en slíkur kemur til Ísafjarðar fjórum til fimm ...
Meira


Byggir á LiSA vefumsjónarkerfi frá Eskli