Frétt

bb.is | 06.09.2016 | 09:01Tvö tonn af berjum í grísku jógúrtina

Ein þeirra mynda er birtust af hinum nýja ís – lítur vel út
Ein þeirra mynda er birtust af hinum nýja ís – lítur vel út

Hjá mjólkurvinnslunni Örnu í Bolungarvík eru allir í óða önn að undirbúa haustið, sem verður með afkastamesta hætti. Von er á laktósafríum ís frá þeim, en Örnu-fólk birti um helgina myndir af væntanlegum ís, er prufugerð fór fram hjá þeim og fengu þær kraftmikil viðbrögð frá aðdáendum um allt land. Mjólkurvinnslan hefur um hríð framleitt rjómaís, en ísinn nú er ítalskur kúluís, eða gelato líkt og margir þekkja. Ísinn er framleiddur fyrir nýja ísbúð og kaffihús sem opnar á Eiðistorgi undir stjórn Örnu Maríu Hálfdánardóttur og segir Hálfdán Óskarsson mjólkurvinnslustjóri að verið sé að skoða með ís í neytendapakkningum í framhaldinu.

Nóg er að gera hjá Örnu Maríu við að undirbúa opnun kaffihússins, þar sem einvörðungu verða seldar laktósafríar vörur og hefur hún mörg horn að líta, líkt og að velja úr þeim dásamlegu ísprufum sem gerðar voru. Þessa dagana er verið að standsetja húsnæði það er hýsa mun hið nýja kaffihús sem gengur undir vinnuheitinu Innovation House Cafe, en ekki liggur fyrir opnunardagur að svo stöddu.

Von á nýrri árstíðabundinni vöru frá mjólkurvinnslunni, grískri jógúrt með aðalbláberjum. En hún verður seld í glerkrukkum líkt og grísk jógúrt með eplum og kanil sem kom á markað fyrir síðustu jól. Síðsumars var auglýst eftir aðalbláberjum til kaups fyrir verkefnið og segir Hálfdán viðbrögðin ekki hafa látið á sér standa og mun meira af berjum fengist en gert hafði verið ráð fyrir er berjaóðir Vestfirðingar tíndu tvo tonn af berjum fyrir verkefnið. Það er auðvelt að gera sér í hugarlund að félagasamtök hafi tekið sig saman til verksins en svo var ekki, allt var keypt af einstaklingum. Nú er verið að gera umbúðir og undirbúa framleiðsluna sem verður mun viðameiri en lagt var upp með í fyrstu. Von er á grísku aðalbláberjajógúrtinni í verslanir seinnihluta mánaðarins.

annska@bb.is



bb.is | 29.09.16 | 17:07 Vestfirðir verði ríkt samfélag

Mynd með frétt Innan áratugar munu útflutningstekjur af laxeldi á sunnanverðum Vestfjörðum geta numið 50 milljörðum króna á ári. Þetta er mat Matthíasar Garðarssonar, stofnanda Arnarlax, en hann hefur fjögurra áratuga reynslu á vettvangi atvinnugreinarinnar. Ég hef trú á því að auðveldlega megi ...
Meira

bb.is | 29.09.16 | 16:13Biðlistar vegna skorts á gistiplássi

Mynd með fréttErlent gönguskíðafólk hefur sýnt Fossavatnsgöngunni æ meiri áhuga, en skortur á gistiplássum Ísafirði veldur því að færri komast að en vilja . Daníel Jakobsson, stjórnarformaður Fossavatnsgöngunnar, nefnir sem dæmi að norsk ferðaskrifstofa sem selur ferðir á Fossavatnsgönguna er með 70 manns ...
Meira

bb.is | 29.09.16 | 14:50Stöndum fyrir kerfisbreytingar

Mynd með fréttAlþingiskosningar eru eftir rétt rúmar fjórar vikur og stjórnmálaflokkarnir flestir búnir að leggja fram lista sína. Nokkur ný framboð verða í kjöri og einna mest hefur borið á Viðreisn, en flokkurinn hefur mælst ágætlega í skoðanakönnunum síðustu vikur. Ísfirðingurinn Gylfi Ólafsson ...
Meira

bb.is | 29.09.16 | 13:33Grunnskóli Bolungarvíkur hlaut landsverðlaun eTwinning á Íslandi

Mynd með fréttRannís, Landskrifstofa eTwinning á Íslandi veitti í gær 13 eTwinning verkefnum gæðamerki, jafnframt því sem Grunnskóli Bolungarvíkur hlaut þar sérstök landsverðlaun fyrir eitt verkefni sinna. Ágúst Hjörtur Ingþórsson, sviðsstjóri mennta- og menningarsviðs Rannís, afhenti viðurkenningarnar við hátíðlega athöfn að loknum Menntabúðum ...
Meira

bb.is | 29.09.16 | 11:48Herdís Anna í West Side Story

Mynd með fréttHerdís Anna Jónasdóttir heldur áfram að gera það gott í Þýskalandi, en hún starfar við óperuna og leikhúsið í Saarbrücken. Um helgina verður þar frumsýndur hinn vinsæli söngleikur West Side Story og er Herdís Anna þar í aðalhlutverki sem María. Uppselt ...
Meira

bb.is | 29.09.16 | 09:58Stórlaxasumri lokið í Langadalsá

Mynd með fréttSumarið 2016 var mikið stórlaxaár í Langadalsá. Lokatölur liggja nú fyrir en alls var landað 245 löxum og 16 sjóbleikjum þetta árið og var aflinn 66% stórlaxar eða 161 stórlax á móti 84 smálöxum. Samkvæmt grófum útreikningum var meðallengd laxins í ...
Meira

bb.is | 29.09.16 | 08:57Fellst á umhverfismat en leggur til skilyrði

Mynd með fréttSkipulagsstofnun hefur gefið út álit á umhverfismati Fjarðalax og Arctic Sea Farm á allt að 17.500 tonna laxeldi í Patreksfirði og í Tálknafirði. Um er að ræða stækkun um 14.500 tonn, en Fjarðalax var fyrir með 3.000 tonna leyfi og Arctic ...
Meira

bb.is | 29.09.16 | 07:50Alþjóðlegur hópur kynnir sér störf vestfirskra björgunarsveita

Mynd með fréttÁtta sjóbjörgunarsveitarmenn víðsvegar að úr Evrópu eru nú staddir á norðanverðum Vestfjörðum að kynna sér störf björgunarsveitardeildanna sem hér starfa í skiptiprógrammi á vegum IMRF eða International Maritime Rescue Federation. Í því tekur þátt björgunarsveitarfólk frá þrettán sjóbjörgunarsveitum víðsvegar um Evrópu ...
Meira

bb.is | 28.09.16 | 16:50Grunnskólanemar dýrmætri reynslu ríkari eftir heimsókn til Þýskalands

Mynd með fréttÍsafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira


Byggir á LiSA vefumsjónarkerfi frá Eskli