Frétt

| 14.12.2000 | 11:45„Erum í gíslingu átthagafjötra“

„Það má segja að við séum í gíslingu átthagafjötra með okkar hús. Þeir halda víst að við munum nota tækifærið og flytja burt úr bænum. Það er bara rugl, við vildum bara fá að flytja okkur neðar í plássið, á öruggara svæði.“ Þetta segir Olgeir Hávarðarson sem býr við Dísarland í Bolungarvík í samtali í DV í dag. Hann fær ekki uppkaup á hús sitt sem stendur á snjóflóðahættusvæði undir Traðarhyrnu. Ákveðið hefur verið að verja byggðina með byggingu snjóflóðagarðs sem áætlað er að kosti hundruð milljóna króna.
Þetta kemur fram á fréttavefnum visir.is.

„Ég veit ekki annað en það sé alveg búið að gefa það upp á bátinn að kaupa upp hús á svæðinu. Húsið okkar er annað tveggja sem fékk á sig snjóflóð í febrúar 1997. Þá lögðust barnaherbergin þrjú í rúst ásamt gangi og bókaherbergi. Sem betur fer höfðum við nokkru áður yfirgefið húsið án þess að aðvörun hefði verið gefin um hættu á snjóflóði. Í apríl þetta sama ár gátum við ekki lengur sætt okkur við að þurfa sífellt að flytja út úr húsinu vegna snjóflóðahættu. Við sóttum því um uppkaup. Erindið fór til bæjarins og síðan til Ofanflóðasjóðs. Sjóðurinn sagðist þá hvorki geta neitað né samþykkt erindið þar sem úttekt á fjallinu hafði ekki farið fram. Á þessum tíma var verið að taka í notkun varnargarða á Flateyri og þar voru keypt upp hús neðan garðanna. Var þá opnað á þann möguleika að sveitarfélög gætu fengið lán frá Ofanflóðasjóði til að kaupa upp hús á hættusvæðum. - - - Allan tímann sem þetta stóð til boða reyndi bærinn ekki einu sinni að fara þessa leið fyrir okkur. Í dag segja menn svo að þetta sé ekki hægt. Ég spyr því: Hvar er jafnræðisreglan nú?“

„Það er alrangt að ekkert hafi verið unnið í málinu“, segir Ólafur Kristjánsson, bæjarstjóri í Bolungarvík. „Sennilega eru fá mál sem hafa fengið eins mikla umfjöllun og einmitt þetta. Þrátt fyrir margar tilraunir til að fá þetta í gegn reyndust lögin ekki heimila það. Reyndar er nokkurt vafamál í þessu og Andri Árnason lögfræðingur hefur skrifað minnisblað sem nú er til umfjöllunar hjá félagsmálaráðuneyti.“

Nánar á visir.is.

bb.is | 27.09.16 | 16:50 Velunnurum þakkaður hlýhugur

Mynd með frétt Boðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira

bb.is | 27.09.16 | 14:50Píratar og Sjálfstæðisflokkur stærstir

Mynd með fréttPíratar og Sjálfstæðisflokkurinn mælast stærstir í nýjustu könnun MMR sem framkvæmd var dagana 20. til 26. september. Flokkarnir mælast þó með örlítið minna fylgi en í síðustu könnun þegar báðir flokkarnir mældust með 22,7% fylgi. Nú mælast Píratar með 21,6% og ...
Meira

bb.is | 27.09.16 | 13:23Vilja ráða sálfræðing og barnalækni í fastar stöður

Mynd með fréttReglulegar heimsóknir sérfræðinga við Heilbrigðisstofnun Vestfjarða eru umsetnar og oftast komast færri að en vilja. Í frétt á RÚV var greint frá því að á þriðja hundrað manns séu á biðlista eftir augnlækni, en slíkur kemur til Ísafjarðar fjórum til fimm ...
Meira

bb.is | 27.09.16 | 11:48Allt að 200 megavatta orka

Mynd með frétt„Þetta getur að mínu mati haft mikil áhrif á orkuöryggi þjóðarinnar, meiri en menn hafa verið að hugleiða hingað til. Ég tel að hægt sé að virkja allt að 200 MW á þessu svæði sem er utan hættusvæða vegna eldgosa og ...
Meira

bb.is | 27.09.16 | 09:37Gerir athugasemd við úreltar tölur

Mynd með fréttBæjarráð Ísafjarðarbæjar gerir athugasemd við að gamlar og úreltar tölur um fjölda skemmtiferðaskipa eru notaðar í drögum að matsáætlun Arnarlax fyrir 10.000 tonna laxeldi í Ísafjarðardjúpi. Í matsáætluninni er vísað í tölur frá 2009 þegar 29 skemmtiferðaskip komu til Ísafjarðar. Þeim ...
Meira

bb.is | 27.09.16 | 09:01Góðir gestir á minningartónleikum um Ragnar H. og Sigríði

Mynd með fréttHinir árlegu minningartónleikar um hjónin Sigríði Jónsdóttur og Ragnar H. Ragnar verða í Hömrum sunnudaginn 9.október kl. 17. Á tónleikunum koma fram ísfirski fiðluleikarinn Hjörleifur Valsson, fyrrum nemandi við Tónlistarskóla Ísafjarðar, sem nú starfar í Noregi og píanóleikarinn Ourania Menelaou. Hún ...
Meira

bb.is | 27.09.16 | 07:51Langvarandi fólksfækkun grafalvarleg

Mynd með fréttAf 74 sveitarfélögum fækkaði íbúum í 42 á árunum 2002 til 2016 en fjölgaði í 32. Mest fækkaði í sveitarfélögum á Vestfjörðum og Norðurlandi vestra. Þetta kom fram í kynningu Sigurðar Á. Snævarr, sviðsstjóra hag- og upplýsingasviðs Sambands íslenskra sveitarfélaga, á ...
Meira

bb.is | 26.09.16 | 16:52Uppáhaldslög einstaks tónlistarmanns

Mynd með fréttVilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira


Byggir á LiSA vefumsjónarkerfi frá Eskli