Frétt

| 04.02.2000 | 14:27Halldór segir starfi sínu lausu

Halldór Kristmannsson.
Halldór Kristmannsson.
Halldór Kristmannsson, forstöðumaður Íslenskrar miðlunar á Vestfjörðum, hefur sagt starfi sínu lausu. Hann var ráðinn til fyrirtækisins á síðasta sumri og hefur verið búsettur hér vestra frá því um miðjan ágúst. Þrátt fyrir uppsögnina er ekkert fararsnið á Halldóri frá Ísafirði að sinni. Hann hefur verið einn af burðarásunum í liði KFÍ í vetur og mun leika með liðinu að minnsta kosti út þetta keppnistímabil.
„Já það er rétt að ég hef sagt starfi mínu lausu miðað við næstu mánaðamót", sagði Halldór í samtali við Bæjarins besta. „Uppsagnarfrestur minn er síðan þrír mánuðir og ég mun vinna hann að fullu og aðstoða fyrirtækið eins og kostur er við að koma nýjum starfsmanni inn í mitt hlutverk. Starf mitt hjá Íslenskri miðlun hefur verið mjög lærdómsríkt og það hefur verið verulega gaman að vinna með öllu því góða fólki sem starfar hjá fyrirtækinu."

Varðandi ástæður uppsagnarinnar segir Halldór að hlutverk hans sem forstöðumanns hafi breyst og forsendur séu nú aðrar en þegar hann réð sig til starfa á síðasta ári. „Það stafar af skipulagsbreytingum í fyrirtækinu, sem ég vil ekki tjá mig frekar um. Mér finnst áhugasvið mitt einfaldlega liggja annars staðar og þess vegna hef ég tekið þessa ákvörðun. Þrátt fyrir að ég hafi ákveðið að skilja við Íslenska miðlun er ég eftir sem áður sannfærður um að fyrirtækið eigi sér bjarta framtíð og greinilegt er að þessi starfsemi er komin til að vera.

Ég óska samstarfsfólki mínu alls hins besta og er þakklátur fyrir að hafa fengið tækifæri til að vinna fyrir Íslenska miðlun. Þó svo að ég hafi sagt starfi mínu lausu hef ég ekki ákveðið að flytjast héðan, enda hef ég verið mjög ánægður með að vera búsettur hér. En vissulega veit ég ekki hvað framtíðin ber í skauti sér", sagði Halldór, en hann mun þessa dagana vera að leita fyrir sér að öðru starfi hér vestra.

„Að sjálfsögðu mun ég klára keppnistímabilið hjá KFÍ. Við erum í hörkubaráttu um að komast í úrslitakeppnina en það lítur nú allt þokkalega vel út. Á næstu vikum mun tími minn fara að umtalsverðu leyti í körfuboltann og baráttuna sem þar er framundan", sagði Halldór Kristmannsson.

bb.is | 28.09.16 | 16:50 Grunnskólanemar dýrmætri reynslu ríkari eftir heimsókn til Þýskalands

Mynd með frétt Ísafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira

bb.is | 28.09.16 | 14:34Fyrirtækjamót Ívars — styttist í mót

Mynd með fréttNú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira

bb.is | 28.09.16 | 07:47Ævintýraleg skötuselsveiði

Mynd með frétt„Veiðin hefur verið í einu orði sagt ævintýraleg. Við lögðum netin úti af Grænuhlíð í Ísafjarðardjúpi þann 7. september, erum búnir að draga 1.000 net og komnir með 60 tonn af skötusel,“ sagði Jóhann Benónýsson skipstjóri á Glófaxa VE þegar Fiskifréttir ...
Meira

bb.is | 27.09.16 | 16:50Velunnurum þakkaður hlýhugur

Mynd með fréttBoðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira


Byggir á LiSA vefumsjónarkerfi frá Eskli