Frétt

| 01.09.2000 | 12:39Ráðherrann að rumska?

Páll Pétursson, félagsmálaráðherra.
Páll Pétursson, félagsmálaráðherra.
„Það er óhjákvæmilegt að koma með einhverjar aðgerðir til lausnar vandanum“, er haft eftir Páli Péturssyni félagsmálaráðherra í DV í dag. Þar á ráðherrann við vanda félagslega húsnæðiskerfisins á Vestfjörðum, sem ríkisvaldið setti á sveitarfélögin fyrir mörgum árum og eru stærsti einstaki vandi þeirra. Eðlilegra virðist að yfirlýsing af þessu tagi frá þeim ráðherra sem ábyrgðina ber hefði komið fyrir allmörgum árum og síðan hefðu komið „einhverjar“ aðgerðir í framhaldi af henni.
Um miðjan ágúst birtist hér á BB-vefnum frétt undir fyrirsögninni „Ráðuneytið situr og horfir á“. Þar var greint frá þeirri fjárhagslegu úlfakreppu, sem Ísafjarðarbær og fleiri sveitarfélög eru í vegna íbúðarhúsnæðis í félagslega kerfinu. Þar kom fram, að ábyrgðin liggur hjá félagsmálaráðuneytinu, sem hefur ekkert aðhafst, enda þótt árum saman hafi legið fyrir hver staðan væri og í hvað stefndi.

Í DV í dag er fullyrt, að félagslega íbúðakerfið á Vestfjörðum sé í raun gjaldþrota. Þetta er einungis annað orðalag á því sem hér hefur áður komið fram. Á BB-vefnum sagði m.a. 16. ágúst sl.: „Samkvæmt lagaskyldu ber sveitarfélögum að innleysa félagslegar íbúðir. Hjá Ísafjarðarbæ hafa íbúðirnar hrannast upp á liðnum árum og eru nú íbúðir í eigu bæjarfélagsins orðnar um 190 talsins. Á síðustu átta árum nemur kostnaður Ísafjarðarbæjar vegna þessa um 150 milljónum króna....“ Í DV í dag er haft eftir Vilhjálmi Þ. Vilhjálmssyni, formanni Sambands íslenskra sveitarfélaga, að sveitarfélög þurfi auknar tekjur „til að halda sér á floti“.

Fyrir tíu dögum birtist hér á BB-vefnum frétt undir fyrirsögninni „Óskað eftir svörum“. Þar sagði frá þriðja bréfi Halldórs Halldórssonar, bæjarstjóra Ísafjarðarbæjar, til Tekjustofnanefndar félagsmálaráðuneytisins, en fyrri bréfum sama efnis (í október 1999 og júní 2000) hafði ekki verið ansað. Halldór fór fram á svör um viðbrögð ríkisvaldsins vegna þess fjárhagsvanda sveitarfélaga, sem þau eiga í vegna sívaxandi kostnaðar við lögbundna þjónustu.

Um síðustu helgi sagði forsætisráðherra á opinberum vettvangi, að sveitarfélögin þurfi ekki á meiri tekjum að halda. Hins vegar ættu þau að sýna meiri ráðdeild. Í Degi var í vikunni haft eftir borgarstjóranum í Reykjavík, Ingibjörgu Sólrúnu Gísladóttur, að hún telji þessa yfirlýsingu forsætisráðherra ekkert annað en svik við sveitarfélögin. Borgarstjóri taldi einnig að með þessum ummælum væri forsætisráðherra að gefa félagsmálaráðherra og fjármálaráðherra langt nef. Í því sambandi minnti hún á, að þessir tveir ráðherrar hefðu gefið út yfirlýsingu í desember 1997 um að meta áhrif á fjárhagsstöðu sveitarfélaga og tekjur samfara auknum verkefnum og lögbundnum skyldum.

Augljóst er, að með framangreindum ummælum hefur Davíð Oddsson ekki rétt fyrir sér hvað Ísafjarðarbæ varðar. Segja má, að hreinlega ekkert sé framkvæmt í bæjarfélaginu. Framkvæmdum sem áformaðar eða ákveðnar höfðu verið, bæði stórum og smáum, hefur verið slegið á frest. Á meðan halda bæjaryfirvöld áfram að leita árangurslaust eftir svörum frá þeim sem ábyrgðina bera. Bæjaryfirvöld á Ísafirði sömdu ekki leikreglurnar. Samkvæmt DV í dag virðist þó félagsmálaráðherra vera að rumska eftir öll þessi ár og átta sig á því að koma þurfi með „einhverjar“ aðgerðir til lausnar vandanum.

bb.is | 23.09.16 | 16:49 Ráðast í endurbætur á Guðmundarbúð

Mynd með frétt Til stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira

bb.is | 23.09.16 | 13:25Jólasúkkulaði í bígerð hjá Sætt og salt

Mynd með fréttMikið hefur verið að gera á súkkulaðiverkstæði Elsu G. Borgarsdóttur í Súðavík, þar sem hún framleiðir dýrindis súkkulaði undir merkjum Sætt og salt. Í haust bauð hún í fyrsta sinn upp á árstíðabundna vöru er hvítt súkkulaði með ferskum aðalbláberjum og ...
Meira

bb.is | 23.09.16 | 11:50Flateyringar beðnir afsökunar

Mynd með fréttHeilbrigðiseftirlit Vestfjarða brást ekki við á réttan hátt og stóð sig ekki í upplýsingagjöf um saurgerlamengun í neysluvatni Flateyringa sem upp kom í byrjun mánaðarins. Ísafjarðarbær var ekki látinn vita þegar saurgerlamengun greindist fyrst í neysluvatni Flateyringa. Þetta er haft eftir ...
Meira

bb.is | 23.09.16 | 09:22Utankjörfundaratkvæðagreiðsla hafin

Mynd með fréttUtankjörfundaratkvæðagreiðsla erlendis vegna alþingiskosninga 29. október 2016 hefst í dag og fer fram í öllum sendiráðum Íslands erlendis, aðalræðisskrifstofum Íslands í New York, Winnipeg, Nuuk og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands ...
Meira

bb.is | 23.09.16 | 09:01Bolungarvíkurkaupstaður opnar nýjan vef

Mynd með fréttNýr vefur hefur verið tekin í gagnið fyrir Bolungarvíkurkaupstað á vefslóðinni www.bolungarvik.is. Vefurinn lagar sig að ólíkum skjástærðum eins og skjám síma og smátölva ásamt því að virka vel á hefðbundnum tölvuskjá. Viðmót vefsins býður upp á ýmis frekari þægindi eins ...
Meira

bb.is | 23.09.16 | 07:34Tvöfaldar nemendafjöldann

Mynd með fréttFyrr í vikunni birti forsætisráðuneytið aðgerðaráætlun fyrir Vestfirði sem unnin var af nefnd um samfélags- og atvinnuþróun á Vestfjörðum undir forystu ráðuneytisins. Í aðgerðaráætluninni er lagt til að Háskólasetri Vestfjarða verði gert kleift að setja á fót nýja námsleið á meistarastigi ...
Meira

bb.is | 22.09.16 | 16:53Kómedíuleikhúsið frumsýnir í fertugasta sinn

Mynd með fréttÁ sunnudag frumsýnir Kómedíuleikhúsið nýjustu afurð sína; einleik um einbúann Gísla á Uppsölum. Er þetta 40. uppsetning hins vestfirska leikhúss frá því það tók til starfa árið 1997 og hafa öll leikverkin að einu undanskildu verið íslensk. Drjúgum tíma hefur verið ...
Meira

bb.is | 22.09.16 | 15:53Fjárhagslegur ávinningur má ekki skarast á við lífsgæði íbúa

Mynd með fréttÍ gær lauk skemmtiferðaskipavertíðin á Ísafirði þetta árið, er áttugasta og þriðja skemmtiferðaskipið kom í Skutulsfjörð – og hafa þau aldrei verið fleiri. Reyndar til útskýringa þá hafa skipin sem slík ekki verið 83, sum koma nokkrum sinnum yfir sumarmánuðina og ...
Meira

bb.is | 22.09.16 | 14:48Haustjafndægur í dag

Mynd með fréttHaustjafndægur eru í dag 22. september, nánar tiltekið kl. 14.21. Jafndægur eru tvisvar á ári, um 20.-21. mars og 22.-23. september. Tímasetningin hnikast örlítið milli ára, eftir því hvernig stendur á hlaupári. Jafndægur miðast við að þá er sólin beint yfir ...
Meira


Byggir á LiSA vefumsjónarkerfi frá Eskli