Frétt

| 18.08.2000 | 12:58Ekkert samband væntanlegt

Þessi mynd var tekin inni í Vestfjarðagöngum fyrir stuttu þegar þessi bíll og annar til eyðilögðust þar í hörðum árekstri.
Þessi mynd var tekin inni í Vestfjarðagöngum fyrir stuttu þegar þessi bíll og annar til eyðilögðust þar í hörðum árekstri.
Þeim sem reglulega aka um Vestfjarðagöngin hefur oft þótt óþægilegt að vera ekki í neinu sambandi við umheiminn á meðan. Þar er ekkert farsímasamband og ekki heyrist í útvarpi. Þessar umkvartanir heyrast oft og víða en hafa þó ekki náð eyrum Ólafs Stephensens, forstöðumanns upplýsinga- og kynningarmála Landssímans.
„Ég hef ekki heyrt þessar raddir. Aftur á móti má vel vera að farsímasendir komi í Vestfjarðagöng í framtíðinni en það er ekki á framkvæmdaáætlun þessa árs. Við vinnum eftir ákveðinni forgangsröðun í þessum efnum og komum fyrst í samband vegaköflum þar sem mestur umferðarþungi er. Þess vegna þykir mér sennilegt að hringveginum verði lokað áður en sendir kemur í Vestfjarðagöngin“, sagði Ólafur.

Í Hvalfjarðargöngum er farsímasamband enda þykir það sjálfsagt öryggisatriði í jarðgöngum. Lögreglumenn sem eru við störf inni í Vestfjarðargöngum hafa þar ekki farsímasamband frekar en aðrir. Skemmst er þess að minnast er harður árekstur varð í Vestfjarðagöngum og tveir bílar eyðilögðust. Þess má geta, að Hvalfjarðargöng eru liðlega fimm og hálfur kílómetri en Vestfjarðagöng um níu kílómetrar.

Önundur Jónsson yfirlögregluþjónn á Ísafirði segir í samtali við Bæjarins besta, að þegar Vestfjarðagöng voru opnuð haustið 1996 hafi hann spurt forsvarsmenn Pósts og síma í Reykjavík hvort von væri á farsímasambandi í göngunum. Hann fékk þau svör að NMT-samband yrði komið þar innan árs enda voru menn sammála um nauðsyn þess. Önundur segir að vegna þessara svara hafi lögreglan á Ísafirði lagt á hilluna vangaveltur um að koma sér upp búnaði fyrir talstöðvarsamband í göngunum, enda hafi það verið fjárhag embættisins ofviða. „Síðan hefur ekkert gerst“, segir hann.

Í Hvalfjarðargöngum nást einnig útvarpssendingar en ekki í Vestfjarðagöngum. Í leiðbeiningum til þeirra sem um Hvalfjarðargöng fara er sérstaklega bent á að hafa útvarp í bílnum opið til þess að geta heyrt tilkynningar og fyrirmæli ef eitthvað kemur fyrir í göngunum. Búnaður til að ná útvarpi er þar af öryggisástæðum en ekki til skemmtunar.

Þær upplýsingar fengust hjá Ríkisútvarpinu, öryggisstofnun allra landsmanna, að útvarpssendir í Hvalfjarðagöngunum sé þar fyrir tilstuðlan einkafyrirtækisins Spalar hf. sem rekur göngin. Spölur hafi greitt fyrir sendinn en Ríkisútvarpið eingöngu unnið sem verktaki og ráðleggjandi að uppsetningunni.

bb.is | 30.09.16 | 11:48 Álftafjarðargöng ekki á dagskrá næsta áratuginn

Mynd með frétt Jarðgöng á milli Skutulsfjarðar og Álftafjarðar eru ekki á teikniborði yfirvalda allt fram til ársins 2026 samkvæmt svari Ólafar Nordal innanríkisráðherra við fyrirspurn Jóhönnu Maríu Sigmundsdóttur þingmanns framsóknarflokksins, sem spurði ráðherrann hvenær ráðgert væri að rannsóknir og undirbúningur fyrir göngin hæfust. ...
Meira

bb.is | 30.09.16 | 10:01Útibú verði á Suðurfjörðunum

Mynd með fréttBæjarstjórn Vesturbyggðar hvetur stjórnvöld að tryggja að eftirlit með fiskeldi í sjó sé með markvissum og ábyrgum hætti. Þetta kemur fram í bókun bæjarstjórnar frá því í gær. Í henni segir að gríðarlegu máli skipti að vel takist til með þeirri ...
Meira

bb.is | 30.09.16 | 09:26Mikill munur á rekstrarkostnaði grunnskóla

Mynd með fréttMeðalrekstrarkostnaður á hvern nemanda í grunnskólum landsins vegna yfirstandandi skólaárs er 1,72 milljónir króna samkvæmt tölum Hagstofunnar. Rúmlega fimmfaldur munur er á hæsta og lægsta kostnaði nemenda milli sveitarfélaga samkvæmt tölum Sambands íslenskra sveitarfélaga. Frá þessu er greint í Fréttablaðinu í ...
Meira

bb.is | 30.09.16 | 07:50Ráðgjafa- og nuddsetrið opnar á nýjum stað

Mynd með fréttRáðgjafa- og nuddsetrið á Ísafirði hefur fært sig um set og opnaði í dag í nýjum húsakynnum við Hafnarstræti 4, mitt í miðbænum þar sem Gullauga var áður til húsa. Það er Stefán Dan Óskarsson sem er potturinn og pannan á ...
Meira

bb.is | 29.09.16 | 17:07Vestfirðir verði ríkt samfélag

Mynd með fréttInnan áratugar munu útflutningstekjur af laxeldi á sunnanverðum Vestfjörðum geta numið 50 milljörðum króna á ári. Þetta er mat Matthíasar Garðarssonar, stofnanda Arnarlax, en hann hefur fjögurra áratuga reynslu á vettvangi atvinnugreinarinnar. Ég hef trú á því að auðveldlega megi ...
Meira

bb.is | 29.09.16 | 16:13Biðlistar vegna skorts á gistiplássi

Mynd með fréttErlent gönguskíðafólk hefur sýnt Fossavatnsgöngunni æ meiri áhuga, en skortur á gistiplássum Ísafirði veldur því að færri komast að en vilja . Daníel Jakobsson, stjórnarformaður Fossavatnsgöngunnar, nefnir sem dæmi að norsk ferðaskrifstofa sem selur ferðir á Fossavatnsgönguna er með 70 manns ...
Meira

bb.is | 29.09.16 | 14:50Stöndum fyrir kerfisbreytingar

Mynd með fréttAlþingiskosningar eru eftir rétt rúmar fjórar vikur og stjórnmálaflokkarnir flestir búnir að leggja fram lista sína. Nokkur ný framboð verða í kjöri og einna mest hefur borið á Viðreisn, en flokkurinn hefur mælst ágætlega í skoðanakönnunum síðustu vikur. Ísfirðingurinn Gylfi Ólafsson ...
Meira

bb.is | 29.09.16 | 13:33Grunnskóli Bolungarvíkur hlaut landsverðlaun eTwinning á Íslandi

Mynd með fréttRannís, Landskrifstofa eTwinning á Íslandi veitti í gær 13 eTwinning verkefnum gæðamerki, jafnframt því sem Grunnskóli Bolungarvíkur hlaut þar sérstök landsverðlaun fyrir eitt verkefni sinna. Ágúst Hjörtur Ingþórsson, sviðsstjóri mennta- og menningarsviðs Rannís, afhenti viðurkenningarnar við hátíðlega athöfn að loknum Menntabúðum ...
Meira

bb.is | 29.09.16 | 11:48Herdís Anna í West Side Story

Mynd með fréttHerdís Anna Jónasdóttir heldur áfram að gera það gott í Þýskalandi, en hún starfar við óperuna og leikhúsið í Saarbrücken. Um helgina verður þar frumsýndur hinn vinsæli söngleikur West Side Story og er Herdís Anna þar í aðalhlutverki sem María. Uppselt ...
Meira

bb.is | 29.09.16 | 09:58Stórlaxasumri lokið í Langadalsá

Mynd með fréttSumarið 2016 var mikið stórlaxaár í Langadalsá. Lokatölur liggja nú fyrir en alls var landað 245 löxum og 16 sjóbleikjum þetta árið og var aflinn 66% stórlaxar eða 161 stórlax á móti 84 smálöxum. Samkvæmt grófum útreikningum var meðallengd laxins í ...
Meira


Byggir á LiSA vefumsjónarkerfi frá Eskli