Frétt

Stakkur 4.tbl. 2000 | 26.01.2000 | 17:15Gagnagrunnurinn mikli

Þá er starfsleyfi fengið og Íslensk Erfðagreining getur fariið af stað með vinnu vegna gerðar gagngrunns heilbrigðiskerfisins. Verðmæti Decode Genetics, hins erlenda móðurfyrirtækis Íslenskrar erfðagreiningar, mun nú vera 136 milljarðar íslenskra króna. Munar um minna og má ljóst vera, að þeir sem þar hafa fjárfest verða sennilega í hópi fjölskyldnanna 3000 sem forstjóri Fjárfestingarbanka atvinnulífsins segir að brátt muni eiga 70 milljónir króna eða meira hver.

Af þessu má ljóst vera að einfaldasta leiðin til að auðgast er að eiga sérréttindi, sem stjórnvöld hafa úthlutað. Fastlega má gera ráð fyrir því, að einhverjar fjölskyldur í hópi hinna 3000 hafi auðgast vegna sölu á kvóta í sjávarútvegi. Meðan almenningur, sem engar vonir getur gert sér um að komast í hóp hinna 3000 fjölskyldna, reynir að semja um kaup og kjör má vera ljóst, að laun manna skipta engu í samanburði við kvóta og einkaleyfi á rekstri gagnagrunns.

Væntanlega mun gagnagrunnurinn opna einhverja möguleika til rannsókna á heilbrigði og heilsufari Íslendinga. Margir sérfræðingar halda því þó fram að engan veginn sé nauðsynlegt að hafa svo stórt úrtak til rannsóknar. En tölurnar um verðmæti á hlutabréfamarkaði sýna glöggt að einkaleyfið er mikils metið af fjárfestum. Skiptir þá greinilega engu máli hvort upplýsingar í gagnagrunninum eru fengnar með samþykki fólksins sem hlut á að máli eður ei.

Þar er komið að stærsta galla gagnagrunnsins. Hann er sá, að almenningur sem leggur allar upplýsingarnar í grunninn, er ekki spurður. Alþingi taldi ekki ástæðu til þess að leitað yrði til fólksins, sem er uppspretta upplýsinganna. Því miður hafnaði meirihluti alþingismanna því sjómarmiði, að fólk samþykkti umbeðið að vera í þessu gríðarlega gagnasafni, þar sem allt er opið. Þessir þingmenn töldu enga ástæðu til þess að hafa fólk með í ráðum varðandi persónuleg málefni þess.

Okkur er talin trú um það, almenningi í þessu landi, að unnt sé að slíta tengslin algerlega milli þessara persónuupplýsinga og mannsins sem þær tengjast. Vissulega eru skilyrðin fyrir einkaleyfinu ströng og líta vel út við fyrstu sýn. En óprúttnir tölvusnillingar munu finna leiðir til að komast hjá svokallaðri dulkóðun. Fyrst og fremst eru það kennitölur sem verður leynt með dulkóðun. Sumir vilja meina, þótt vart verði því trúað að óreyndu, að með því einu að keyra þjóðskrá saman við gagnagrunninn muni hann ljúkast upp sem opin bók væri.

Hagur almennings?

Heilbrigðisráðherra er ánægð með einkaleyfið enda er það bundið skilyrðum. Fyrir það skal greiða 70 til 140 milljónir. Seinni helmingur upphæðarinnar er háður afkomu Íslenskrar erfðagreiningar, sem vonandi verður góð. Peningamarkaðurinn er í uppnámi og fær vart haldið. En Kári afhenti einnig 500 milljónir til málefna barna og benti í leiðinni réttilega á þá döpru staðreynd að Íslendingar gera of lítið fyrir börnin, framtíð þjóðarinnar. Því þó nóg verði af peningum duga þeir ekki án fólks. Virða verður góðan hug. ,,Það er sama hvaðan gott kemur\", segir máltækið.

Mesta athygli vakti þó ákvæði þess efnis, að komi til málaferla vegna starfrækslu gagnagrunnsins taki Íslensk erfðagreining á sig kostnað vegna þeirra. Er verið að búast við réttarhöldum? Svarið mun koma í ljós, en gott er greinilega að vera við öllu búinn. Upplýsingarnar í grunninum eru eign þjóðarinnar eins og fiskurinn í sjónum. Hvað varðar íslenska stjórnmálamenn um persónuvernd meðan ríkið fær ekkert í sinn hlut af ,,réttindum\", sem ganga kaupum og sölum fyrir hátt verð á markaði peninganna, hvort heldur það eru persónuupplýsingar eða kvóti?


bb.is | 28.09.16 | 16:50 Grunnskólanemar dýrmætri reynslu ríkari eftir heimsókn til Þýskalands

Mynd með frétt Ísafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira

bb.is | 28.09.16 | 14:34Fyrirtækjamót Ívars — styttist í mót

Mynd með fréttNú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira

bb.is | 28.09.16 | 07:47Ævintýraleg skötuselsveiði

Mynd með frétt„Veiðin hefur verið í einu orði sagt ævintýraleg. Við lögðum netin úti af Grænuhlíð í Ísafjarðardjúpi þann 7. september, erum búnir að draga 1.000 net og komnir með 60 tonn af skötusel,“ sagði Jóhann Benónýsson skipstjóri á Glófaxa VE þegar Fiskifréttir ...
Meira

bb.is | 27.09.16 | 16:50Velunnurum þakkaður hlýhugur

Mynd með fréttBoðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira


Byggir á LiSA vefumsjónarkerfi frá Eskli