Frétt

| 10.03.2001 | 13:42Takmörkun á starfseminni á næstu dögum meðan sýnataka og sótthreinsun fara fram

Nokkur takmörkun verður á starfsemi Fjórðungssjúkrahússins á Ísafirði næstu daga vegna varúðarráðstafana, á sama hátt og var á Landspítalanum fyrir stuttu og greint var frá í fréttum. Þar lá maður sem var nýkominn frá útlöndum og hafði borið með sér svokallaða fjölónæma klasasýkla. Fyrir skömmu var ungur piltur fluttur af Landspítalanum á sjúkrahúsið á Ísafirði og reyndust þessir sýklar ræktast úr sári sem hann hafði. Hann hefur nú verið fluttur á Landspítalann á ný.
Að sögn Reynis Tómasar Geirssonar, starfandi yfirlæknis, er verið að hreinsa stofuna á Fjórðungssjúkrahúsinu þar sem pilturinn lá. Jafnframt þarf að taka sýni frá sjúklingum og starfsfólki og ganga úr skugga um að bakterían frá þessum pilti hafi ekki orðið eftir hér vestra. Ef svo reynist hins vegar vera, þá er auðvelt að uppræta hana með sótthreinsun.

„Á meðan erum við með takmarkaðar innlagnir“, segir Reynir, „og jafnframt með dálitla takmörkun á heimsóknum á deildina. Þeim sem hafa verið hér á spítalanum og síðan farið út í bæ er engin hætta búin. Það kemur í ljós í fyrri hluta vikunnar hvort þessi sýkill hefur fundist og ræktast hér. Ef hann finnst ekki hér núna, þá er ekkert vandamál á ferðinni. Ef hann finnst hins vegar á stofunni sem pilturinn var, þá sótthreinsum við hana og málið er úr sögunni.“

Reynir segir eðlilegt og nauðsynlegt að gera þessar varúðarráðstafanir. „Allir ganga með klasasýkla, svo sem á húðinni, í nefinu og í þörmum. Vandinn við þessa tilteknu klasasýkla er sá, að þeir þola sýklalyf ákaflega vel. Ef þeir komast í sár gera þeir skaða. Að öðrum kosti gera þeir okkur ekki neitt heldur lifa á okkur eins og fjöldi annarra sýklategunda. Þegar klasasýklar komast í sár er yfirleitt auðvelt að ráða við þá með venjulegum sýklalyfjum. Þessi tegund er hins vegar ónæm fyrir þeim og þess vegna er erfitt er að ráða við þá ef þeir komast í sár og valda sýkingum.“

Reynir Tómas leggur á það áherslu, að engin hætta sé á ferðum. „Þeir sem hafa legið hér eða komið í heimsókn síðustu daga eru ekki í neinni hættu. Enginn hefur sýkst og enginn hefur veikst, nema þessi piltur. Til þess að ekki fari af stað neinar sögusagnir, sem gætu valdið ástæðulausum ótta, er mikilvægt að fólk viti að hér er eingöngu um eðlilegar og nauðsynlegar ráðstafanir að ræða.“

bb.is | 28.09.16 | 16:50 Grunnskólanemar dýrmætri reynslu ríkari eftir heimsókn til Þýskalands

Mynd með frétt Ísafjarðarbær hefur nú verið í vinabæjasambandi við Kaufering í Þýskalandi um nokkurra ára skeið og hafa fulltrúar hinna ýmsu hópa skipst á heimsóknum. Í síðustu viku fór hópur nemenda úr 10. bekk í heimsókn til Þýskalands ásamt kennurum og er það ...
Meira

bb.is | 28.09.16 | 15:54Ítreka athugasemdir varðandi sjúkraflug

Mynd með fréttMóta þarf framtíðarstefnu í sjúkraflutningum og vanda betur til útboða sjúkraflugs. Þetta kemur fram nýrri eftirfylgniskýrslu Ríkisendurskoðunar um sjúkraflug á Íslandi þar sem stofnunin ítrekar fyrri athugasemdir sínar þessa efnis er birtust í skýrslu um fyrirkomulag sjúkraflugs á Íslandi, umfang þess ...
Meira

bb.is | 28.09.16 | 14:34Fyrirtækjamót Ívars — styttist í mót

Mynd með fréttNú styttist í hið árvissa fyrirtækjamót íþróttafélagsins Ívars í boccia en það verður haldið í íþróttahúsinu á Torfnesi sunnudaginn 9. október. Mótið verður með hefðbundnu sniði en einu skilyrðin fyrir þátttöku eru að það verður að vera lið með tveimur keppendum. ...
Meira

bb.is | 28.09.16 | 13:25Mikil norðurljósavirkni yfir landinu

Mynd með fréttNorðurljósavirkni yfir Íslandi hefur verið með eindæmum góð síðustu daga og gera spár ráð fyrir að svo verði áfram í dag og á morgun. Skýjahuluspá fyrir næstu nótt á Vestfjörðum gerir ráð fyrir því að bjart verði með köflum í fjórðungnum ...
Meira

bb.is | 28.09.16 | 11:45Engin mengun í vatninu

Mynd með fréttEnga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira

bb.is | 28.09.16 | 07:47Ævintýraleg skötuselsveiði

Mynd með frétt„Veiðin hefur verið í einu orði sagt ævintýraleg. Við lögðum netin úti af Grænuhlíð í Ísafjarðardjúpi þann 7. september, erum búnir að draga 1.000 net og komnir með 60 tonn af skötusel,“ sagði Jóhann Benónýsson skipstjóri á Glófaxa VE þegar Fiskifréttir ...
Meira

bb.is | 27.09.16 | 16:50Velunnurum þakkaður hlýhugur

Mynd með fréttBoðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira


Byggir á LiSA vefumsjónarkerfi frá Eskli