Frétt

bb.is | 17.11.2016 | 14:50Baskavígin sýnd í Bíó Paradís


Á morgun kemur til sýninga hér á landi ný spænsk/íslensk heimildarmynd um Baskavígin. Myndin sem að hluta til var tekin upp á Vestfjörðum segir frá því er íslenski fræðimaðurinn Jón Lærði Guðmundsson, í júnímánuði árið 1615, beið komu baskneskra vina sinna að ströndum Íslands og hvernig vinir Jóns, 86 baskneskir hvalveiðimenn, urðu fórnarlömb í stærsta fjöldamorði Íslandsögunnar. Segir í umfjöllun um myndina að tímabært sé, nú fjögur hundruð árum eftir þennan atburð, að draga söguna fram í dagsljósið. Sögumaður myndarinnar sem er leikin heimildarmynd er Jón Lærði, maðurinn sem fordæmdi grimmdarverkin. En sá verknaður var Jóni dýrkeyptur því hann var ákærður og útlægur til dauðadags. Í myndinni er einnig að finna viðtöl við ýmsa sérfræðinga um málið, þar á meðal íslenska.

Það er baskneska kvikmyndaframleiðslufyrirtækið Old Port Films í samstarfi við íslensku kvikmyndagerðina Seyluna sem gera myndina. Þó nokkrir vestfirskir aukaleikarar voru fengnir til að koma fram í myndinni er tökur fóru fram á Vestfjörðum í aprílmánuði og geta þeir nú séð sig á hvíta tjaldinu í Bíó Paradís er myndin kemur þar til sýninga á föstudag. Lagt er upp með að sýna myndina í vikutíma, en gæti sá tími lengst verði viðtökur góðar.

Að sýningu lokinni, þriðjudaginn 22.nóvember verða pallborðsumræður um myndina og atburðina sem hún greinir frá. Ennfremur verður rætt um þá einstaklinga sem við sögu koma, líkt og Jón lærða Guðmundsson og Ara sýslumann í Ögri. Þeir sem taka þátt í umræðunum eru: Már Jónsson prófessor í sagnfræði við HÍ, Viðar Hreinsson bókmenntafræðingur og höfundur bókarinnar Jón lærði og náttúrur náttúrunnar sem kemur út innan skamms hjá bókaforlaginu Lesstofan, Ólína Kjerúlf Þorvarðardóttir höfundur bókarinnar Brennuöldin og Sigurður Sigursveinsson sagnfræðingur og landfræðingur. Umræðu stjórnar Kristinn Hrafnsson blaðamaður.

annska@bb.is



bb.is | 02.12.16 | 16:50 Vilja gefa Töniu og fjölskyldu góða jólagjöf

Mynd með frétt Stöllurnar Kolbrún Fjóla Arnarsdóttir og Karen Gísladóttir standa fyrir liðakeppni undir yfirskriftinni „Gerum gagn“ í Stúdíó Dan á Ísafirði þann 10. desember næstkomandi. Keppnin er bæði til gamans gerð, jafnframt því sem hún er fjáröflun fyrir Töniu Ciulwik og fjölskyldu hennar. ...
Meira

bb.is | 02.12.16 | 15:48Feita mamma frumsýnd í G.Í.

Mynd með fréttNemendur á efsta stigi við Grunnskólann á Ísafirði frumsýna í dag leikritið Feita mamma eftir Auði Jónsdóttur á fullveldisfagnaði 10.bekkjar. Sýningin í dag verður fyrir nemendur í 8.10.bekk G.Í. og nágrannaskóla og eftir sýninguna verður slegið upp balli í skólanum. Á ...
Meira

bb.is | 02.12.16 | 13:23Jólaljósin tendruð á Ísafirði og Suðureyri

Mynd með fréttÁ sunnudag er annað dagur aðventu og eru nú þegnar þessa lands teknir til við að koma sér í jólagírinn með ýmsu móti, jafnframt því sem hátíðarundirbúningur er hafinn á mörgum heimilum. Tendrun ljósa á jólatrjám í flestum byggðum bólum er ...
Meira

bb.is | 02.12.16 | 11:50Íhuguðu að sniðganga tendrun jólaljósanna

Mynd með fréttKennarar við Tónlistarskólann á Ísafirði sýndu á fundi sínum á mánudag eindreginn vilja til að koma ekki að tendrun jólaljósanna á Silfurtorgi með nokkrum hætti, en Lúðrasveit skólans og barnakór hafa í gegnum tíðina glatt bæjarbúa með tónlistarflutningi sínum við þetta ...
Meira

bb.is | 02.12.16 | 09:37Segir hótanir um brottrekstur færast í vöxt

Mynd með fréttÁ nýafstöðnu þingi Sjómannasambandsins skoraði sambandið á íslenska útgerðarmenn að bæta samskipti sín við sjómenn. Í ályktun þingsins segir að vantraust hafi farið vaxandi milli sjómanna og útgerðarmanna síðustu misserin, að í sumum tilfellum sé um algjöran trúnaðarbrest að ræða. Eins ...
Meira

bb.is | 02.12.16 | 09:01OV auglýsir samfélagsstyrki

Mynd með fréttOrkubú Vestfjarða auglýsir eftir umsóknum um samfélagsstyrki 2016, en úthlutun samfélagsstyrkja er árlegur viðburður hjá fyrirtækinu. Við styrkúthlutun er leitast við að styrkja verkefni vítt og breitt um Vestfirði og miðað við að einstakar styrkveitingar geti verið á bilinu 50.000 til ...
Meira

bb.is | 02.12.16 | 07:45Netverslun hefur áhrif á jólaverslun á Ísafirði

Mynd með fréttÍ fréttum Ríkisútvarpsins á dögunum var fjallað um netverslun á Íslandi og kom þar fram að fleiri virðist ætla gera jólainnkaupin á netinu en áður. Í spá Rannsóknarseturs verslunarinnar um jólaverslunina í ár segir að líklegt verði að meira verði um ...
Meira

bb.is | 01.12.16 | 16:50Öll miðasala af heimaleik Vestra til Birkis Snæs

Mynd með fréttMeistaraflokkur Vestra í körfubolta tekur á móti FSu á Jakanum á morgun föstudaginn 2. desember klukkan 20. Öll miðasala rennur til Birkis Snæs Þórissonar sem hefur glímt við erfið veikindi en fagnar eins árs afmæli sínu þann 7. desember næstkomandi. Birkir ...
Meira

bb.is | 01.12.16 | 15:50Hefur lifað ótrúlegar breytingar

Mynd með fréttÍ nýjasta tölublaði Bæjarins Besta er talað við Engilbert S. Ingvarsson, sem var lengst af bóndi á Tirðilmýri við Ísafjarðardjúp. Engilbert er fæddur árið 1927 og bjó stóran hluta lífs síns við Ísafjarðardjúp, fyrst sem barn og síðar meir sem bóndi. ...
Meira

bb.is | 01.12.16 | 13:53Skólamál á Flateyri í samráðsferli

Mynd með fréttBæjarfulltrúar Ísafjarðarbæjar hafa ákveðið að sameina ekki leik- og grunnskólastig Flateyrar án samráðs við íbúa. Forseti bæjarstjórnar segir það hafa verið mistök að hefja ekki samráð við íbúa fyrr. Þetta kemur fram á vef Ríkisútvarpins. Frá því hefur verið greint á ...
Meira


Byggir á LiSA vefumsjónarkerfi frá Eskli