Frétt

| 30.09.2000 | 09:05Fara ber af gát

Einar K. Guðfinnsson, alþingismaður og formaður sjávarútvegsnefndar Alþingis.
Einar K. Guðfinnsson, alþingismaður og formaður sjávarútvegsnefndar Alþingis.
„Átökin munu standa um hversu langt á að ganga í þessum efnum. Eins og staðan er í sjávarútvegi um þessar mundir og við sjáum af milliuppgjörum fyrirtækjanna, þá er augljóst mál að um mikla skattheimtu af greininni er ekki að ræða. En ég fagna því að nefndin leggur mál sitt þannig fram að ljóst er að hún gerir ráð fyrir að hluti af því veiðigjaldi, sem innheimt yrði af greininni, sé það gjald sem þegar er verið að rukka af sjávarútveginum, til að mynda í formi Þróunarsjóðsgjalds“, segir Einar K. Guðfinnsson, alþingismaður og formaður sjávarútvegsnefndar Alþingis í Morgunblaðinu í dag.
Auðlindanefnd, sem kosin var á Alþingi fyrir rúmum tveimur árum, hefur lagt fram sameiginlegar tillögur um, að ákvæði verði tekið upp í stjórnarskrá þess efnis, að náttúruauðlindir, sem ekki eru háðar einkaeignarrétti, verði lýstar þjóðareign og að þjóðin fái sýnilega hlutdeild í þeim umframarði, sem nýting auðlindanna skapi.

Einar K. Guðfinnsson fagnar því að auðlindanefnd hefur nú skilað niðurstöðum sínum. Hann segist telja að með þessari álitsgerð sé lagður grunnur að því að stjórnmálamenn geti tekið skynsamlegri ákvarðanir í miklu og vandasömu álitamáli.

„Ég tel að það hafi verið rétt ákvörðun Alþingis á sínum tíma að kjósa nefnd til þess að fara ofan í saumana á þessu máli. Ég tel líka að það skipti miklu máli að hér eru settar undir sama hatt bæði auðlindir sjávarins og aðrar náttúruauðlindir sem nýttar eru, en á það hefur að mínu mati skort í þessari umræðu“, segir Einar.

„Ég tel að það hafi verið skynsamlegt hjá nefndinni að skilja það eftir opið hvaða leið menn færu í að krefjast einhvers gjalds af sjávarútveginum. Nefnt er að tvær leiðir komi til greina, fyrningarleið og veiðigjaldsleið. Sjálfur tel ég að fyrningarleiðin væri afar óskynsamleg og að hún myndi leiða til óvissu og óhagræði í greininni. Mér finnst veiðigjaldsleiðin miklu nærtækari aðferð.“

Einar segist í Morgunblaðinu leggja sérstaka áherslu á að fara yrði af mikilli gát við innheimtu gjalds af sjávarútveginum til þess að raska ekki viðkvæmri stöðu sjávarútvegsins og byggðanna þar sem sjávarútvegurinn væri grundvallaratvinnuvegur.

Í Morgunblaðinu í dag er mjög rækileg úttekt á tillögum Auðlindanefndar og viðbrögðum við henni. Álitsgerð nefndarinnar er jafnframt birt í heild í blaðinu.

bb.is | 26.09.16 | 09:37 Forvitnilegir fyrirlestrar um grænlensk samfélög

Mynd með frétt Dr. Kåre Hendriksen, sérfræðingur um málefni Grænlands og dósent við danska Tækniháskólann, heldur tvo fyrirlestra um Grænland í Háskólasetri Vestfjarða í dag. Fyrri fyrirlesturinn fer fram í hádeginu og þar verður fjallað um félagshagfræðilegt mikilvægi grænlenskra byggða. Síðari fyrirlesturinn verður í ...
Meira

bb.is | 26.09.16 | 09:02Lilja Rafney sigraði prófkjörið

Mynd með fréttÚrslit úr prófkjöri Vinstri hreyfingarinnar – græns framboð í Norðvesturkjördæmi lágu fyrir í gær. Lilja Rafney Magnúsdóttir, alþingismaður frá Suðureyri, sigraði prófkjörið og Bjarni Jónsson, sveitarstjórnarmaður frá Sauðárkróki, varð í öðru sæti. Bjarni sóttist eftir fyrsta sæti líkt og Lilja Rafney ...
Meira

bb.is | 26.09.16 | 07:34Eyþór sýnir á RIFF

Mynd með fréttFlateyringurinn Eyþór Jóvinsson frumsýnir nýjustu afurð sína, stuttmyndina Litla stund hjá Hansa, á alþjóðlegu kvikmyndahátíðinni RIFF sem hefst í Reykjavík þann 29.september. Eyþór er bæði leikstjóri og handritshöfundur myndarinnar, sem er byggð á smásögu Þórarins Eldjárn. Það er annar Vestfirðingur, Tálknfirðingurinn ...
Meira

bb.is | 23.09.16 | 16:49Ráðast í endurbætur á Guðmundarbúð

Mynd með fréttTil stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira

bb.is | 23.09.16 | 13:25Jólasúkkulaði í bígerð hjá Sætt og salt

Mynd með fréttMikið hefur verið að gera á súkkulaðiverkstæði Elsu G. Borgarsdóttur í Súðavík, þar sem hún framleiðir dýrindis súkkulaði undir merkjum Sætt og salt. Í haust bauð hún í fyrsta sinn upp á árstíðabundna vöru er hvítt súkkulaði með ferskum aðalbláberjum og ...
Meira

bb.is | 23.09.16 | 11:50Flateyringar beðnir afsökunar

Mynd með fréttHeilbrigðiseftirlit Vestfjarða brást ekki við á réttan hátt og stóð sig ekki í upplýsingagjöf um saurgerlamengun í neysluvatni Flateyringa sem upp kom í byrjun mánaðarins. Ísafjarðarbær var ekki látinn vita þegar saurgerlamengun greindist fyrst í neysluvatni Flateyringa. Þetta er haft eftir ...
Meira

bb.is | 23.09.16 | 09:22Utankjörfundaratkvæðagreiðsla hafin

Mynd með fréttUtankjörfundaratkvæðagreiðsla erlendis vegna alþingiskosninga 29. október 2016 hefst í dag og fer fram í öllum sendiráðum Íslands erlendis, aðalræðisskrifstofum Íslands í New York, Winnipeg, Nuuk og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands ...
Meira

bb.is | 23.09.16 | 09:01Bolungarvíkurkaupstaður opnar nýjan vef

Mynd með fréttNýr vefur hefur verið tekin í gagnið fyrir Bolungarvíkurkaupstað á vefslóðinni www.bolungarvik.is. Vefurinn lagar sig að ólíkum skjástærðum eins og skjám síma og smátölva ásamt því að virka vel á hefðbundnum tölvuskjá. Viðmót vefsins býður upp á ýmis frekari þægindi eins ...
Meira

bb.is | 23.09.16 | 07:34Tvöfaldar nemendafjöldann

Mynd með fréttFyrr í vikunni birti forsætisráðuneytið aðgerðaráætlun fyrir Vestfirði sem unnin var af nefnd um samfélags- og atvinnuþróun á Vestfjörðum undir forystu ráðuneytisins. Í aðgerðaráætluninni er lagt til að Háskólasetri Vestfjarða verði gert kleift að setja á fót nýja námsleið á meistarastigi ...
Meira


Byggir á LiSA vefumsjónarkerfi frá Eskli