Frétt

bb.is | 30.11.2016 | 07:50Mikill hiti á íbúafundi á Flateyri


Vel var mætt á íbúafund í Félagsbæ á Flateyri í gærkvöldi en þar mættu bæjarfulltrúar til að útskýra þá ákvörðun sína að flytja leikskólann úr Grænagarði yfir í húsnæði Grunnskólans á Flateyri og í kjölfarið selja Grænagarð. Arna Lára Jónsdóttir formaður bæjarráðs, Nanný Arna Guðmundsdóttir forseti bæjarstjórnar og Gísli Halldór Halldórsson bæjarstjóri voru frummælendur en sömuleiðis mættu bæjarfulltrúarnir Kristján Andri Guðjónsson, Daníel Jakobsson, Marzelíus Sveinbjörnsson, Jónas Þór Birgisson, Kristín Hálfdánardóttir og. Gunnhildur Elíasdóttir sem lét sig ekki muna um að skella sér yfir Gemlufallsheiðina og Margrét Halldórsdóttir forstöðumaður skóla- og tómstundasviðs sat sömuleiðis fyrir svörum.

Það er einkum þrennt sem farið hefur fyrir brjóstið á Flateyringum, það er í fyrsta lagi að þá þykir skorta fagleg rök fyrir flutningnum og að ekki liggi fyrir hvaða breytingar eigi að gera á Grunnskólanum, í öðru lagi er Flateyringum afar annt um Grænagarð og vilja ekki selja hann og í þriðja lagi ríkir almenn reiði vegna vinnubragða bæjarstjórnar en ákvörðun um flutning leikskólans var ekki tekin í neinu samráði við samfélagið á Flateyri.

Allir bæjarfulltrúarnir tóku til máls og báðust afsökunar á vinnubrögðunum en stóðu samt sem áður við það mat sitt að ákvörðunin um flutning leikskólans væri rétt og byggð á faglegum rökum. Sumir viðurkenndu þó þekkingarskort sinn í þessum efnum og að þeir yrðu að treysta rökum fagfólks.

Allmargir bæjarbúar tóku til máls á fundinum og voru einróma um að í Grænagarði væri vel búið að börnunum og það fjármagn sem ætlað væri til endurbóta á Grunnskóla Önundarfjarðar myndi aldrei geta dugað til að útbúa jafngóða umgjörð um leikskólastarfið og það býr við í Grænagarði.

Og staðfesta bæjarfulltrúa um gæði ákvörðunar um flutning leikskólans mætti gallhörðum íbúum sem vilja að bæjarfulltrúar dragi þessa ákvörðun til baka og hefji samræður við íbúa um bætt skólastarf, þær samræður geti leitt til flutnings skólans eða ekki.

Heldur hitnaði í kolunum þegar líða tók á kvöldið og fór svo að tveir bæjarfulltrúar ruku á dyr með þjósti.

Fyrir fundinn var lögð ályktun frá Hverfisráði Önundarfjarðar sem efnislega fjallar um að Ísafjarðarbær dragi ákvörðun sína til baka og setji á stofn samráðshóp sem fái næsta ár til að vinna að tillögum sem styrki skólastarf, með eða án flutnings leikskólans úr Grænagarði. Ályktunin var samþykkt mótatkvæðalaust.

Nálgast má upptökur frá fundinum á facebooksíðu bb.is.

bryndis@bb.is



bb.is | 02.12.16 | 16:50 Vilja gefa Töniu og fjölskyldu góða jólagjöf

Mynd með frétt Stöllurnar Kolbrún Fjóla Arnarsdóttir og Karen Gísladóttir standa fyrir liðakeppni undir yfirskriftinni „Gerum gagn“ í Stúdíó Dan á Ísafirði þann 10. desember næstkomandi. Keppnin er bæði til gamans gerð, jafnframt því sem hún er fjáröflun fyrir Töniu Ciulwik og fjölskyldu hennar. ...
Meira

bb.is | 02.12.16 | 15:48Feita mamma frumsýnd í G.Í.

Mynd með fréttNemendur á efsta stigi við Grunnskólann á Ísafirði frumsýna í dag leikritið Feita mamma eftir Auði Jónsdóttur á fullveldisfagnaði 10.bekkjar. Sýningin í dag verður fyrir nemendur í 8.10.bekk G.Í. og nágrannaskóla og eftir sýninguna verður slegið upp balli í skólanum. Á ...
Meira

bb.is | 02.12.16 | 13:23Jólaljósin tendruð á Ísafirði og Suðureyri

Mynd með fréttÁ sunnudag er annað dagur aðventu og eru nú þegnar þessa lands teknir til við að koma sér í jólagírinn með ýmsu móti, jafnframt því sem hátíðarundirbúningur er hafinn á mörgum heimilum. Tendrun ljósa á jólatrjám í flestum byggðum bólum er ...
Meira

bb.is | 02.12.16 | 11:50Íhuguðu að sniðganga tendrun jólaljósanna

Mynd með fréttKennarar við Tónlistarskólann á Ísafirði sýndu á fundi sínum á mánudag eindreginn vilja til að koma ekki að tendrun jólaljósanna á Silfurtorgi með nokkrum hætti, en Lúðrasveit skólans og barnakór hafa í gegnum tíðina glatt bæjarbúa með tónlistarflutningi sínum við þetta ...
Meira

bb.is | 02.12.16 | 09:37Segir hótanir um brottrekstur færast í vöxt

Mynd með fréttÁ nýafstöðnu þingi Sjómannasambandsins skoraði sambandið á íslenska útgerðarmenn að bæta samskipti sín við sjómenn. Í ályktun þingsins segir að vantraust hafi farið vaxandi milli sjómanna og útgerðarmanna síðustu misserin, að í sumum tilfellum sé um algjöran trúnaðarbrest að ræða. Eins ...
Meira

bb.is | 02.12.16 | 09:01OV auglýsir samfélagsstyrki

Mynd með fréttOrkubú Vestfjarða auglýsir eftir umsóknum um samfélagsstyrki 2016, en úthlutun samfélagsstyrkja er árlegur viðburður hjá fyrirtækinu. Við styrkúthlutun er leitast við að styrkja verkefni vítt og breitt um Vestfirði og miðað við að einstakar styrkveitingar geti verið á bilinu 50.000 til ...
Meira

bb.is | 02.12.16 | 07:45Netverslun hefur áhrif á jólaverslun á Ísafirði

Mynd með fréttÍ fréttum Ríkisútvarpsins á dögunum var fjallað um netverslun á Íslandi og kom þar fram að fleiri virðist ætla gera jólainnkaupin á netinu en áður. Í spá Rannsóknarseturs verslunarinnar um jólaverslunina í ár segir að líklegt verði að meira verði um ...
Meira

bb.is | 01.12.16 | 16:50Öll miðasala af heimaleik Vestra til Birkis Snæs

Mynd með fréttMeistaraflokkur Vestra í körfubolta tekur á móti FSu á Jakanum á morgun föstudaginn 2. desember klukkan 20. Öll miðasala rennur til Birkis Snæs Þórissonar sem hefur glímt við erfið veikindi en fagnar eins árs afmæli sínu þann 7. desember næstkomandi. Birkir ...
Meira

bb.is | 01.12.16 | 15:50Hefur lifað ótrúlegar breytingar

Mynd með fréttÍ nýjasta tölublaði Bæjarins Besta er talað við Engilbert S. Ingvarsson, sem var lengst af bóndi á Tirðilmýri við Ísafjarðardjúp. Engilbert er fæddur árið 1927 og bjó stóran hluta lífs síns við Ísafjarðardjúp, fyrst sem barn og síðar meir sem bóndi. ...
Meira

bb.is | 01.12.16 | 13:53Skólamál á Flateyri í samráðsferli

Mynd með fréttBæjarfulltrúar Ísafjarðarbæjar hafa ákveðið að sameina ekki leik- og grunnskólastig Flateyrar án samráðs við íbúa. Forseti bæjarstjórnar segir það hafa verið mistök að hefja ekki samráð við íbúa fyrr. Þetta kemur fram á vef Ríkisútvarpins. Frá því hefur verið greint á ...
Meira


Byggir á LiSA vefumsjónarkerfi frá Eskli