Frétt

mbl.is | 29.09.2006 | 08:21Ískalt stríð ríkir í handknattleiksheiminum

Frost ríkir í samskiptum Alþjóða handknattleikssambandsins (IHF) og Handknattleikssambands Evrópu (EHF) eftir að IHF setti EHF stólinn fyrir dyrnar við breytingar á forkeppni heimsmeistarakeppninnar í handknattleik með þeim orðum að það sé ekki á verksviði EHF að breyta keppnisfyrirkomulagi HM. Forkeppni heimsmeistaramóts, hvort sem er í Evrópu eða annars staðar, eigi að vera samkvæmt uppskrift IHF. Þessu er EHF ekki sammála og situr málið fast.

Ekki eru taldar miklar líkur á að lausn fáist á deilunum á fundi IHF og EHF sem ráðgerður er í nóvember. Inn í deilurnar blandast karp um breytingar á forkeppni Ólympíuleikanna sem IHF vill gera en þær hugmyndir eru forsvarsmönnum handknattleiks í Evrópu lítt að skapi.

Á síðustu árum hefur heimaleikjum landsliða fækkað mjög, einkum þeim leikjum sem hafa eitthvert vægi svo sem í undankeppni alþjóðlegra móta. Til þess að snúa þessari þróun við hefur EHF lagt fram hugmyndir að undankeppni Evrópumóta landsliða og undankeppni heimsmeistaramóta innan Evrópu verði breytt. Tekið verði upp sama keppnisfyrirkomulag og Knattspyrnusamband Evrópu hefur, það að leikið verði í fimm til sex liða riðlum þar sem þjóðir hvers riðils mætast tvisvar sinnum. Þannig mætti fá fleiri heimaleiki, fjölga áhorfendum á leikjum, hressa upp á áhuga á íþróttinni og auka möguleikann á tekjum af sjónvarpssendingum. Um leið verði lögð af núverandi forkeppni og síðan umspilsleikir sem háðir eru hvert vor líkt og íslenska landsliðið lék við Svía í júní sl., sællar minningar.

Þessum hugmyndum er IHF á móti og segir það ekki vera í höndum EHF að breyta fyrirkomulagi forkeppni HM. Ekki komi til greina að gera breytingar á núverandi keppnisfyrirkomulagi.

EHF er mótfallið hugmyndum að forkeppni Ólympíuleika
Um leið hefur EHF ekki tekið í mál að samþykkja breytingar IHF á forkeppni Ólympíuleikanna. IHF vill fækka þeim ólympíusætum sem útdeilt er eftir árangri á heimsmeistaramótum og álfumótum. Þess í stað hyggst IHF halda eina stóra keppni sex til átta vikum fyrir Ólympíuleika þar sem ákveðnum fjölda þjóða, sem staðið hafa sig best á álfumótunum, verði boðin þátttaka. Niðurstaða þessa móts myndi ráða mestu um hvaða tólf þjóðir öðluðust rétt til þess að keppa á Ólympíuleikum. Reyndar er haldið opnum þeim möguleika að ríkjandi heims- og Evrópumeistarar fengju sjálfkrafa þátttökurétt á Ólympíuleikum.

Forsvarsmenn flestra handknattleikssambanda í Evrópu hafa mótmælt fyrirhugaðri breytingu IHF á undankeppni Ólympíuleika, sem til stendur að halda í fyrsta sinn fyrri hluta sumars 2008. Segja þeir m.a. að erfið keppni svo stuttu eftir langt keppnistímabil handknattleiksmanna sé ekki eitthvað sem handknattleiksmenn þurfi. Gæði þeirrar keppni geti orðið slök og komi enn frekar niður á handknattleikskeppni Ólympíuleikanna sem ekki hefur þótt verða sífellt lakari með hverjum Ólympíuleikunum. Slök undankeppni og ólympíukeppni með þreyttum handknattleiksmönnum auki ekki veg íþróttarinnar í augum Alþjóða ólympíunefndarinnar sem hefur í alvöru horft til handknattleiks þegar hugað hefur verið að fækkun keppnisgreina á sumarólympíuleikum sem þykja vera orðnir alltof umfangsmiklir.

bb.is | 02.12.16 | 16:50 Vilja gefa Töniu og fjölskyldu góða jólagjöf

Mynd með frétt Stöllurnar Kolbrún Fjóla Arnarsdóttir og Karen Gísladóttir standa fyrir liðakeppni undir yfirskriftinni „Gerum gagn“ í Stúdíó Dan á Ísafirði þann 10. desember næstkomandi. Keppnin er bæði til gamans gerð, jafnframt því sem hún er fjáröflun fyrir Töniu Ciulwik og fjölskyldu hennar. ...
Meira

bb.is | 02.12.16 | 15:48Feita mamma frumsýnd í G.Í.

Mynd með fréttNemendur á efsta stigi við Grunnskólann á Ísafirði frumsýna í dag leikritið Feita mamma eftir Auði Jónsdóttur á fullveldisfagnaði 10.bekkjar. Sýningin í dag verður fyrir nemendur í 8.10.bekk G.Í. og nágrannaskóla og eftir sýninguna verður slegið upp balli í skólanum. Á ...
Meira

bb.is | 02.12.16 | 13:23Jólaljósin tendruð á Ísafirði og Suðureyri

Mynd með fréttÁ sunnudag er annað dagur aðventu og eru nú þegnar þessa lands teknir til við að koma sér í jólagírinn með ýmsu móti, jafnframt því sem hátíðarundirbúningur er hafinn á mörgum heimilum. Tendrun ljósa á jólatrjám í flestum byggðum bólum er ...
Meira

bb.is | 02.12.16 | 11:50Íhuguðu að sniðganga tendrun jólaljósanna

Mynd með fréttKennarar við Tónlistarskólann á Ísafirði sýndu á fundi sínum á mánudag eindreginn vilja til að koma ekki að tendrun jólaljósanna á Silfurtorgi með nokkrum hætti, en Lúðrasveit skólans og barnakór hafa í gegnum tíðina glatt bæjarbúa með tónlistarflutningi sínum við þetta ...
Meira

bb.is | 02.12.16 | 09:37Segir hótanir um brottrekstur færast í vöxt

Mynd með fréttÁ nýafstöðnu þingi Sjómannasambandsins skoraði sambandið á íslenska útgerðarmenn að bæta samskipti sín við sjómenn. Í ályktun þingsins segir að vantraust hafi farið vaxandi milli sjómanna og útgerðarmanna síðustu misserin, að í sumum tilfellum sé um algjöran trúnaðarbrest að ræða. Eins ...
Meira

bb.is | 02.12.16 | 09:01OV auglýsir samfélagsstyrki

Mynd með fréttOrkubú Vestfjarða auglýsir eftir umsóknum um samfélagsstyrki 2016, en úthlutun samfélagsstyrkja er árlegur viðburður hjá fyrirtækinu. Við styrkúthlutun er leitast við að styrkja verkefni vítt og breitt um Vestfirði og miðað við að einstakar styrkveitingar geti verið á bilinu 50.000 til ...
Meira

bb.is | 02.12.16 | 07:45Netverslun hefur áhrif á jólaverslun á Ísafirði

Mynd með fréttÍ fréttum Ríkisútvarpsins á dögunum var fjallað um netverslun á Íslandi og kom þar fram að fleiri virðist ætla gera jólainnkaupin á netinu en áður. Í spá Rannsóknarseturs verslunarinnar um jólaverslunina í ár segir að líklegt verði að meira verði um ...
Meira

bb.is | 01.12.16 | 16:50Öll miðasala af heimaleik Vestra til Birkis Snæs

Mynd með fréttMeistaraflokkur Vestra í körfubolta tekur á móti FSu á Jakanum á morgun föstudaginn 2. desember klukkan 20. Öll miðasala rennur til Birkis Snæs Þórissonar sem hefur glímt við erfið veikindi en fagnar eins árs afmæli sínu þann 7. desember næstkomandi. Birkir ...
Meira

bb.is | 01.12.16 | 15:50Hefur lifað ótrúlegar breytingar

Mynd með fréttÍ nýjasta tölublaði Bæjarins Besta er talað við Engilbert S. Ingvarsson, sem var lengst af bóndi á Tirðilmýri við Ísafjarðardjúp. Engilbert er fæddur árið 1927 og bjó stóran hluta lífs síns við Ísafjarðardjúp, fyrst sem barn og síðar meir sem bóndi. ...
Meira

bb.is | 01.12.16 | 13:53Skólamál á Flateyri í samráðsferli

Mynd með fréttBæjarfulltrúar Ísafjarðarbæjar hafa ákveðið að sameina ekki leik- og grunnskólastig Flateyrar án samráðs við íbúa. Forseti bæjarstjórnar segir það hafa verið mistök að hefja ekki samráð við íbúa fyrr. Þetta kemur fram á vef Ríkisútvarpins. Frá því hefur verið greint á ...
Meira


Byggir á LiSA vefumsjónarkerfi frá Eskli