Frétt

| 13.01.2001 | 00:40Kominn í samband við leitarvélina ha.is

Nú hefur BB-vefurinn verið tengdur við leitarvélina ha.is sem rekin er af Íslandsvefjum ehf. og byggist á nýrri tækni frá breska hátæknifyrirtækinu Autonomy. Yfirburðir þeirrar tækni koma fram í því að ha.is er mun nákvæmari og yfirgripsmeiri en eldri leitarvélar (sjá m.a. grein í blaðinu Wired). Þar er sagt beint út að þetta sé heimsins klárasta leitarvél (the world's smartest search engine). Þessi tækni býður notandanum upp á að skrifa leitarskilyrði eða spurningu á venjulegu íslensku máli og engar hömlur eru á notkun bókstafa eða tákna. Í ha.is-reitinn til vinstri á forsíðu BB er spurningin slegin inn og smellt á enter-takkann á lyklaborðinu. Líka er hægt að fara beint inn á forsíðu leitarvélarinnar með því að smella á ha.is-merkið fyrir framan leitarreitinn.
Dæmi: Ef orðið Lubecki er slegið inn í ha.is-leitarreitinn á forsíðu bb.is koma tilvísanir í nokkra tugi vefslóða þar sem Dorothee Lubecki, ferðamálafulltrúi Vestfjarða, kemur við sögu. Annað dæmi: Ef slegin er inn spurningin Hvað er að frétta af snjóflóðavörnum í Bolungarvík? koma upp fjölmargar tilvísanir í vefi þar sem þeim málum eru gerð skil á einn eða annan hátt. Mjög fljótlega lærist með æfingunni að nota ha-is á skilvirkan hátt til þess að finna allt sem þarf að finna og yfirleitt er hægt að finna á netinu.

Því ítarlegri sem spurningin er, þeim mun nákvæmari verða svörin. Leitin er afar notendavæn og nýtist jafnt byrjendum sem og þeim sem hafa góða þekkingu á Internetinu. Með sífelldri fjölgun íslenskra vefsíðna reynist notendum mun erfiðara en í árdaga Internetsins að finna þær síður sem óskað er eftir með hefðbundnum aðferðum. Þar kemur ha.is til aðstoðar. Áætlað er að ríflega 700 þúsund íslenskar vefsíður séu á Internetinu og er langstærsta hluta þeirra, eða vel yfir 600 þúsund, að finna á ha.is. Á ha.is er auðvelt að fletta upp á síðum með einföldum spurningum og auðveldar ha.is því mjög aðgengi íslenskra Internetnotenda að þeim mikla fjölda íslenskra vefsvæða sem nú er til staðar. Á ha.is er einnig að finna leit eftir efnisflokkum sem veita beinan aðgang inn á áhugaverðar síður (þá er fyrst smellt á ha-is merkið framan við leitarreitinn á forsíðu bb.is eins og áður segir). Notendur þurfa því ekki að vafra um fjölda vefsíðna áður en þeir finna þær upplýsingar sem sóst er eftir.

Hér skal einnig minnt á orðaleitina í efni vefútgáfu Bæjarins besta. Sá leitarreitur er fyrir neðan spurningu vikunnar í dálkinum vinstra megin. Þar má á augabragði finna allar fréttir, aðsendar greinar eða aðra efnisþætti þar sem viðkomandi orð kemur fyrir. Ekki þarf einu sinni að slá inn heilt orð heldur er líka hægt að slá inn hluta af orði, eins og t.d. skól og birtist þá listi yfir allar fréttir og aðra efnisþætti þar sem fyrir koma orð með þessum orðstofni, eins og t.d. skólastjóri, grunnskóli, skólakrakkar o.s. frv. Ef sleginn er inn orðhlutinn Sighva, þá birtist listi yfir alla staði í efni BB þar sem nafnið Sighvatur kemur fyrir, og þá bæði í nefnifalli og aukaföllum (Sighvat, Sighvati, Sighvats). Þessi leit er ákaflega þægileg og handhæg.

Prófið sjálf!

bb.is | 23.09.16 | 16:49 Ráðast í endurbætur á Guðmundarbúð

Mynd með frétt Til stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira

bb.is | 23.09.16 | 13:25Jólasúkkulaði í bígerð hjá Sætt og salt

Mynd með fréttMikið hefur verið að gera á súkkulaðiverkstæði Elsu G. Borgarsdóttur í Súðavík, þar sem hún framleiðir dýrindis súkkulaði undir merkjum Sætt og salt. Í haust bauð hún í fyrsta sinn upp á árstíðabundna vöru er hvítt súkkulaði með ferskum aðalbláberjum og ...
Meira

bb.is | 23.09.16 | 11:50Flateyringar beðnir afsökunar

Mynd með fréttHeilbrigðiseftirlit Vestfjarða brást ekki við á réttan hátt og stóð sig ekki í upplýsingagjöf um saurgerlamengun í neysluvatni Flateyringa sem upp kom í byrjun mánaðarins. Ísafjarðarbær var ekki látinn vita þegar saurgerlamengun greindist fyrst í neysluvatni Flateyringa. Þetta er haft eftir ...
Meira

bb.is | 23.09.16 | 09:22Utankjörfundaratkvæðagreiðsla hafin

Mynd með fréttUtankjörfundaratkvæðagreiðsla erlendis vegna alþingiskosninga 29. október 2016 hefst í dag og fer fram í öllum sendiráðum Íslands erlendis, aðalræðisskrifstofum Íslands í New York, Winnipeg, Nuuk og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands ...
Meira

bb.is | 23.09.16 | 09:01Bolungarvíkurkaupstaður opnar nýjan vef

Mynd með fréttNýr vefur hefur verið tekin í gagnið fyrir Bolungarvíkurkaupstað á vefslóðinni www.bolungarvik.is. Vefurinn lagar sig að ólíkum skjástærðum eins og skjám síma og smátölva ásamt því að virka vel á hefðbundnum tölvuskjá. Viðmót vefsins býður upp á ýmis frekari þægindi eins ...
Meira

bb.is | 23.09.16 | 07:34Tvöfaldar nemendafjöldann

Mynd með fréttFyrr í vikunni birti forsætisráðuneytið aðgerðaráætlun fyrir Vestfirði sem unnin var af nefnd um samfélags- og atvinnuþróun á Vestfjörðum undir forystu ráðuneytisins. Í aðgerðaráætluninni er lagt til að Háskólasetri Vestfjarða verði gert kleift að setja á fót nýja námsleið á meistarastigi ...
Meira

bb.is | 22.09.16 | 16:53Kómedíuleikhúsið frumsýnir í fertugasta sinn

Mynd með fréttÁ sunnudag frumsýnir Kómedíuleikhúsið nýjustu afurð sína; einleik um einbúann Gísla á Uppsölum. Er þetta 40. uppsetning hins vestfirska leikhúss frá því það tók til starfa árið 1997 og hafa öll leikverkin að einu undanskildu verið íslensk. Drjúgum tíma hefur verið ...
Meira

bb.is | 22.09.16 | 15:53Fjárhagslegur ávinningur má ekki skarast á við lífsgæði íbúa

Mynd með fréttÍ gær lauk skemmtiferðaskipavertíðin á Ísafirði þetta árið, er áttugasta og þriðja skemmtiferðaskipið kom í Skutulsfjörð – og hafa þau aldrei verið fleiri. Reyndar til útskýringa þá hafa skipin sem slík ekki verið 83, sum koma nokkrum sinnum yfir sumarmánuðina og ...
Meira

bb.is | 22.09.16 | 14:48Haustjafndægur í dag

Mynd með fréttHaustjafndægur eru í dag 22. september, nánar tiltekið kl. 14.21. Jafndægur eru tvisvar á ári, um 20.-21. mars og 22.-23. september. Tímasetningin hnikast örlítið milli ára, eftir því hvernig stendur á hlaupári. Jafndægur miðast við að þá er sólin beint yfir ...
Meira


Byggir á LiSA vefumsjónarkerfi frá Eskli