Frétt

Leiðari 36. tbl. 2000 | 06.09.2000 | 13:33Hægagangur í hugsun...

Eftir því sem fregnir herma hefur félagsmálaráðherra komist að þeirri niðurstöðu að óhjákvæmilegt sé að grípa til aðgerða til að skera sveitarfélögin á Vestfjörðum niður úr snöru félagsíbúðakerfisins. Og það sem meira er, ráðherrann telur koma til greina að afskrifa hluta skuldanna þótt það sé vandmeðfarið.

Fyrir tveimur árum hvatti BB til að tekið yrði á þeim mikla vanda sem þá þegar lá fyrir með skuldir sveitarfélaganna við Íbúðalánasjóð: „Þegar verkamannabústaðakerfið þótti ekki lengur brúklegt var því sópað í ruslatunnuna á einu bretti. Félagslega íbúðakerfið leit dagsins ljós. Nú, nokkrum árum seinna, er félagslegi unglingurinn á góðri leið með að setja mörg sveitarfélög á hausinn. - Á vandanum sem kaupskyldan í kerfinu hefur kallað yfir sveitarfélögin verður að taka. Það stendur ekkert sveitarfélag undir því að eiga og reka fasteignir, sem að söluverði eru hálfvirði bókfærðs kostnaðar. – Til lausnar er aðeins ein leið: Afskrifa íbúðirnar niður í gangverð og selja síðan sem frekast er kostur. Að velta vandanum á undan sér leiðir til þess eins að sökkva dýpra í fenið. Sveitarfélögin verður að taka niður af félagslega íbúðaklakknum áður en allt snarast um.“

Í lok mars á þessu ári ítrekaði BB nauðsyn þess að höggvið yrði á hnútinn. Á þeim tíma virtist það helsta keppikefli félagsmálaráðherra að hirða Orkubú Vestfjarða upp í skuldir sveitarfélaganna við Íbúðalánasjóð. Af því hefur ekki orðið sem betur fer og verður vonandi aldrei. Þá sögðum við og segjum enn að þetta mál verður ekki leyst með því að knýja sveitarfélögin til að stytta skuldahalann með sölu eigna.

Enda þótt seinagangurinn í þessu máli sé með eindæmum og búinn að skapa sveitarfélögunum aukinn vanda að óþörfu, ber að líta á það sem spor í rétta átt að nú loks eftir langa mæðu er verið að vinna úr áliti sérstakrar nefndar, sem fjallaði um þann mikla fjárhagsvanda sem fjölmörg sveitarfélög glíma nú við vegna félagslegu íbúðanna. Afleiðingu sem beint má rekja til kaupskylduákvæðisins sem ríkisvaldið setti í lögin til þess eins að fría sig ábyrgð og gæta hagsmuna sinna. Þetta ákvæði fríaði kaupendur einnig allri ábyrgð.

Deginum ljósara er að taka verður með afgerandi hætti á þessu viðamikla máli. Hér duga engir giktarplástrar. Hér þarf uppskurð. Afskriftir. Kaupskylduákvæðið verður að víkja eða a.m.k. þrengja til mikilla muna. Meðan ekkert liggur fyrir um fyrirætlan ráðherra ætlum við hins vegar að bíða með húrrahrópin.
s.h.


bb.is | 26.09.16 | 16:52 Uppáhaldslög einstaks tónlistarmanns

Mynd með frétt Vilberg Vilbergsson oftast kallaður Villi Valli er það sem kallast mætti krúnudjásn í vestfirsku tónlistarlífi og sennilega víðar. Villi Valli hefur staðið tónlistarvaktina linnulítið í rúm 70 ár. Matthías MD Hemstock slagverksleikari hefur leikið með Villa í hljómsveit af og til ...
Meira

bb.is | 26.09.16 | 15:464.000 sjálfboðaliðar gera heiminn að betri stað

Mynd með fréttHjá Rauða krossinum á Íslandi er síðasta vika septembermánaðar ár hvert helguð kynningu á því góða starfi sem þar fer fram. Er þá leitast við að láta verkefni og störf sjálfboðaliða hreyfingarinnar skína, en starfsemi hennar er að stórum hluta undir ...
Meira

bb.is | 26.09.16 | 14:56Reisa þrjú hús í vetur

Mynd með fréttÍ dag var greint frá að Húsasmiðjan reisir nýtt verslunarhús á Ísafirði og sjá Vestfirskir verktakar ehf. um byggingu hússins. Vestfirskir verktakar eru með fleiri járn í eldinum og eru nú að reisa tvær skemmur á Mávagarði. „Skemmurnar seldust eins og ...
Meira

bb.is | 26.09.16 | 13:23Vott og vindasamt á gangnafólk

Mynd með fréttÞað er ekki hægt að segja annað en heilt yfir hafi veðrið leikið við Vestfirðinga það sem af er árinu 2016. Veturinn var mildur, vorið fallegt og sumarið gott. Haustið fram til þessa hefur sýnt sína fegurstu ásjónu og einnig látið ...
Meira

bb.is | 26.09.16 | 11:48Húsasmiðjan opnar nýja verslun í vor

Mynd með fréttHúsasmiðjan opnar nýja verslun á Ísafirði vorið 2017 og hefur undirritað samning við Vestfirska verktaka um byggingu hins nýja húsnæðis við Æðartanga á Ísafirði. Nýja verslunin verður rúmir 1.100 fermetrar og mun sameina starfsemi Húsasmiðjunnar á Ísafirði á einn stað en ...
Meira

bb.is | 26.09.16 | 09:37Forvitnilegir fyrirlestrar um grænlensk samfélög

Mynd með fréttDr. Kåre Hendriksen, sérfræðingur um málefni Grænlands og dósent við danska Tækniháskólann, heldur tvo fyrirlestra um Grænland í Háskólasetri Vestfjarða í dag. Fyrri fyrirlesturinn fer fram í hádeginu og þar verður fjallað um félagshagfræðilegt mikilvægi grænlenskra byggða. Síðari fyrirlesturinn verður í ...
Meira

bb.is | 26.09.16 | 09:02Lilja Rafney sigraði í prófkjörinu

Mynd með fréttÚrslit úr prófkjöri Vinstri hreyfingarinnar – græns framboð í Norðvesturkjördæmi lágu fyrir í gær. Lilja Rafney Magnúsdóttir, alþingismaður frá Suðureyri, sigraði í prófkjörinu og Bjarni Jónsson, sveitarstjórnarmaður frá Sauðárkróki, varð í öðru sæti. Bjarni sóttist eftir fyrsta sæti líkt og Lilja ...
Meira

bb.is | 26.09.16 | 07:34Eyþór sýnir á RIFF

Mynd með fréttFlateyringurinn Eyþór Jóvinsson frumsýnir nýjustu afurð sína, stuttmyndina Litla stund hjá Hansa, á alþjóðlegu kvikmyndahátíðinni RIFF sem hefst í Reykjavík þann 29.september. Eyþór er bæði leikstjóri og handritshöfundur myndarinnar, sem er byggð á smásögu Þórarins Eldjárn. Það er annar Vestfirðingur, Tálknfirðingurinn ...
Meira

bb.is | 23.09.16 | 16:49Ráðast í endurbætur á Guðmundarbúð

Mynd með fréttTil stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira


Byggir á LiSA vefumsjónarkerfi frá Eskli