Frétt

Leiðari 11. tbl. 2001 | 14.03.2001 | 10:33Söfnum liði, Vestfirðingar!

Ef vika er langur tími í pólitík, eins og stjórnmálamenn orða það gjarnan í erfiðri stöðu og tímaþröng, þegar þeir þurfa að bera sig mannalega frammi fyrir kjósendum, hvað má þá segja um áratug?

Hví er spurt?
Síðla árs 1991 þegar þingmenn ræddu eina af mörgum skýrslum Byggðastofnunar í gegnum árin, féllu þau orð á þingi að sóun fjármuna stofnunarinnar í nafni byggðastefnu væri ein af fortíðarplágunum sem kæmu í veg fyrir að menn gætu hugsað heila hugsun. Slíkum fjáraustri yrði hætt. Hér eftir skyldu menn sjá um sig sjálfir.

Í Reykjavíkurbréfi Morgunblaðsins 19. okt. s.á. var fjallað um málefni Vestfirðinga og komist svo að orði, eftir að blaðið hafði gert að umtalsefni mikla fjárfestingu til að skapa skipafélögunum aðstöðu við hafnarbakkann í Reykjavík: „Með sama hætti skiptir það þjóðfélagið allt miklu máli að efla sjávarútveg í landinu. Vestfirðir eru ein besta verstöð landsins. Sá landshluti liggur vel við gjöfulum fiskimiðum. Það skiptir máli fyrir afkomu þjóðarinnar, að öflugur sjávarútvegur og fiskvinnsla sé á Vestfjörðum.“ Í framhaldi sagði í leiðara BB: „Þessi sannindi hefðu stjórnvöld mátt gera sér ljós þegar miðstýringin í sjávarútvegi var innleidd í stað þess að bregðast við með strútsaðferðinni.“ (BB 23. okt. 1991).

Tíu árum seinna fundar Endurskoðunarnefnd laga um stjórn fiskveiða á Ísafirði vegna þess að á hausti komanda blasir við að smábátaútgerð á Vestfjörðum verði veitt náðarhöggið og „ein besta verstöð landsins“ skilin eftir sem rjúkandi rúst. Stjórnvöld hafa enn ekki lyft höfði.

Fyrir áratug var umræðan um sameiningu sveitarfélaga á miklu flugi. Þá sögðum við hjá BB: „Öflugir byggðakjarnar eru eina leiðin til að sporna við frekari ofvexti Reykjavíkur. Fyrir þessu eru augu manna að opnast smátt og smátt þótt hægt hafi farið. En til að taka á vandanum þarf kjark. Og til þess þarf forystu landsbyggðamanna sjálfra. Það er nauðsyn að viðhalda jafnvægi í byggð, en að við getum setið landið á sama hátt og forfeðurnir og jafnframt krafist allra gagna og gæða nútímans er útilokað.“

Tíu árum seinna viðrar formaður Byggðastofnunar hugmyndir sínar um sjö byggðakjarna á landsbyggðinni til mótvægis við þéttbýlið á Suðurlandi. Kannske fundar einhver þingnefnd um málið þegar búið verður að veita smábátaútgerðinni náðarhöggið!

Orð höfundar Reykjavíkurbréfs Morgunblaðsins fyrir tíu árum um að öflugur sjávarútvegur og fiskvinnsla á Vestfjörðum skipti máli fyrir þjóðarbúið eru enn í fullu gildi. Hið sama á við um byggðakjarnana.

En, sýtum ekki orðinn hlut, Vestfirðingar. Söfnum liði!
s.h.


bb.is | 26.09.16 | 11:48 Húsasmiðjan opnar nýja verslun í vor

Mynd með frétt Húsasmiðjan opnar nýja verslun á Ísafirði vorið 2017 og hefur undirritað samning við Vestfirska verktaka um byggingu hins nýja húsnæðis við Æðartanga á Ísafirði. Nýja verslunin verður rúmir 1.100 fermetrar og mun sameina starfsemi Húsasmiðjunnar á Ísafirði á einn stað en ...
Meira

bb.is | 26.09.16 | 09:37Forvitnilegir fyrirlestrar um grænlensk samfélög

Mynd með fréttDr. Kåre Hendriksen, sérfræðingur um málefni Grænlands og dósent við danska Tækniháskólann, heldur tvo fyrirlestra um Grænland í Háskólasetri Vestfjarða í dag. Fyrri fyrirlesturinn fer fram í hádeginu og þar verður fjallað um félagshagfræðilegt mikilvægi grænlenskra byggða. Síðari fyrirlesturinn verður í ...
Meira

bb.is | 26.09.16 | 09:02Lilja Rafney sigraði prófkjörið

Mynd með fréttÚrslit úr prófkjöri Vinstri hreyfingarinnar – græns framboð í Norðvesturkjördæmi lágu fyrir í gær. Lilja Rafney Magnúsdóttir, alþingismaður frá Suðureyri, sigraði prófkjörið og Bjarni Jónsson, sveitarstjórnarmaður frá Sauðárkróki, varð í öðru sæti. Bjarni sóttist eftir fyrsta sæti líkt og Lilja Rafney ...
Meira

bb.is | 26.09.16 | 07:34Eyþór sýnir á RIFF

Mynd með fréttFlateyringurinn Eyþór Jóvinsson frumsýnir nýjustu afurð sína, stuttmyndina Litla stund hjá Hansa, á alþjóðlegu kvikmyndahátíðinni RIFF sem hefst í Reykjavík þann 29.september. Eyþór er bæði leikstjóri og handritshöfundur myndarinnar, sem er byggð á smásögu Þórarins Eldjárn. Það er annar Vestfirðingur, Tálknfirðingurinn ...
Meira

bb.is | 23.09.16 | 16:49Ráðast í endurbætur á Guðmundarbúð

Mynd með fréttTil stendur að ráðast í miklar framkvæmdir í Guðmundarbúð, húsnæði Björgunarfélags Ísafjarðar og slysavarnardeildarinnar Iðunnar á Ísafirði. Húsnæðið er búið að vera starfsstöð félaganna frá því árið 2002 og hefur allar götur síðan verið hrátt, en nú stendur til að breyta ...
Meira

bb.is | 23.09.16 | 14:50Hátíðarfundur Ísafjarðarkrata

Mynd með fréttKolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði á morgun þegar minnst verður 100 ára afmælis jafnaðarstefnunnar á Íslandi. Þremenningarnir eru öll ...
Meira

bb.is | 23.09.16 | 13:25Jólasúkkulaði í bígerð hjá Sætt og salt

Mynd með fréttMikið hefur verið að gera á súkkulaðiverkstæði Elsu G. Borgarsdóttur í Súðavík, þar sem hún framleiðir dýrindis súkkulaði undir merkjum Sætt og salt. Í haust bauð hún í fyrsta sinn upp á árstíðabundna vöru er hvítt súkkulaði með ferskum aðalbláberjum og ...
Meira

bb.is | 23.09.16 | 11:50Flateyringar beðnir afsökunar

Mynd með fréttHeilbrigðiseftirlit Vestfjarða brást ekki við á réttan hátt og stóð sig ekki í upplýsingagjöf um saurgerlamengun í neysluvatni Flateyringa sem upp kom í byrjun mánaðarins. Ísafjarðarbær var ekki látinn vita þegar saurgerlamengun greindist fyrst í neysluvatni Flateyringa. Þetta er haft eftir ...
Meira

bb.is | 23.09.16 | 09:22Utankjörfundaratkvæðagreiðsla hafin

Mynd með fréttUtankjörfundaratkvæðagreiðsla erlendis vegna alþingiskosninga 29. október 2016 hefst í dag og fer fram í öllum sendiráðum Íslands erlendis, aðalræðisskrifstofum Íslands í New York, Winnipeg, Nuuk og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands ...
Meira

bb.is | 23.09.16 | 09:01Bolungarvíkurkaupstaður opnar nýjan vef

Mynd með fréttNýr vefur hefur verið tekin í gagnið fyrir Bolungarvíkurkaupstað á vefslóðinni www.bolungarvik.is. Vefurinn lagar sig að ólíkum skjástærðum eins og skjám síma og smátölva ásamt því að virka vel á hefðbundnum tölvuskjá. Viðmót vefsins býður upp á ýmis frekari þægindi eins ...
Meira


Byggir á LiSA vefumsjónarkerfi frá Eskli