Listagjafir: afhending frestast á Vestfjörðum

Í ljósi veðurskilyrða og slæmrar færðar frestast afhending Listagjafa á Vestfjörðum sem fara átti fram dagana 19. og 20. desember.

Allir þeir sem hafa pantað halda sinni gjöf sem verður í staðinn afhent helgina 22.-24. janúar 2021.

Listagjafirnar eru verkefni sem listafólk vinnur í samstarfi við Listahátíð í Reykjavík og kemur í framhaldi af viðbragðsverkefni þeirra Listagjöf sem vakti mikla lukku í Reykjavíkurborg í byrjun nóvember.

Listafólk í fremstu röð mun sækja fólk heim og flytja stutta listgjörninga, tónlist, ljóðlist, sirkusatriði eða dans sem gefendur geta pantað fyrir ástvini í gegnum vefinn.

Einnig verður boðið upp á rafrænar listagjafir til þeirra sem geta ekki tekið á móti gjöf í eigin persónu vegna sóttvarnatilmæla eða staðsetningar.

Áætlað er að hið minnsta 100 listamenn muni að þessu sinni dreifa allt að 750 listagjöfum á tugi áfangastaða um land allt.

 

Athugasemdir

athugasemdir