Á laugardaginn færði kvenfélagið Hvöt í Hnífsdal björgunarsveitinni Tindum 15 nýjar TETRA talstöðvar að gjöf.

„Stöðvarnar eru gríðarlega mikilvægt öryggisatriði fyrir okkar félaga, nýjar stöðvar koma í stað eldri stöðva sem komnar eru til ára sinna, nýjar stöðvar hafa m.a. lengri rafhlöðu endingu, ná betra sambandi og eru léttari.

Við í björgunarsveitinni er virkilega þakklát með þennan stuðning kvenfélagsins, en þetta er einn stærsti staki styrkur sem Hvatarkonur hafa veitt.“ segir í færslu björgunarsveitarinnar á facebooksíðu sveitarinnar og ennfremur að „kvenfélagið Hvöt hefur alla tíð staðið þétt við bakið á okkur og styrkt okkur rausnarlega i gegnum árin.“

Björgunarsveitin Tindar hélt kvenfélagskonum veglegt kaffiboð í þakklætisskyni.

Vegagerðin skrifaði undir kaupsamning við Torghatten Nord um kaup á ferjunni Röst í gær föstudaginn 15. september. Síðdegis var lagt af stað áleiðis til Íslands. Áhöfn frá Torghatten Nord mun sigla ferjunni en um borð verða íslenskir skipstjórnarmenn frá Sæferðum sem munu þá um leið kynna sér skipið. Vegagerðin hefur undirritað viljayfirlýsingu ásamt Sæferðum um að Sæferðir annist siglingar á Breiðafirði með Röstinni, unnið er að samningi milli aðila.

Röstin fer í slipp þegar hún kemur til Íslands hjá Vélsmiðju Orms og Víglundar ehf. í Hafnarfirði í breytingar sem þarf að gera til að skipið geti þjónað siglingum á Breiðafirði. Þessar breytingar fela m.a. í sér að koma fyrir nýjum þilfarskrana, landfestuvindum, færa til lyftibjörgunarbáta, útbúa geymslusvæði á þilfari og mála skipið að utan. Gert er ráð fyrir að hefja reglubundnar siglingar á Breiðafirði seinni hluta október mánaðar.

Kaupin koma í kjölfar útboðs þar sem einungis fékkst eitt tilboð. Upphaflega stóð til að leggja af ferjusiglingar á Breiðafirði við lok samnings við Sæferðir vorið 2023 en ákveðið var breyta þeirri ákvörðun og halda áfram siglingum í ljósi þess að miklar breytingar hafa orðið á atvinnustarfsemi á sunnanverðum Vestfjörðum bæði hvað varðar uppbyggingu fiskeldis og ferðaþjónustu.

Gerð var krafa um að  skipið væri  búið tveimur aðalvélum og hefði haffærni fyrir C svæði en siglingaleiðin um Breiðafjörð flokkast sem C svæði.

Ferjan Röst er smíðuð 1991, tekur 250 farþega, rúmar fimm stóra flutningabíla. Í útboði Vegagerðarinnar um rekstur Breiðafjarðarferju 2023-2026 er miðað við að Röst sigli sömu áætlun og Baldur á ferjuleiðinni Stykkishólmur – Flatey – Brjánslækur – Flatey – Stykkishólmur. Vegagerðin hefur boðið út rekstur ferju á Breiðafirði og er það auglýst á Evrópska efnahagssvæðinu.

Bæjarstjón Vesturbyggðar hefur samþykkt óverulega breytingu á deiliskipulagi frístundabyggðar fyrir Selárdal í Arnarfirði, þar sem bætt er við göngustíg frá Brautarholti niður í fjöru. Grenndarkynning hefur farið fram.

Það var félag um listasafn Samúels sem sótti um heimild fyrir breytingunni. Umsögn Minjastofnunar Íslands liggur fyrir sem gerði ekki athugasemdir við breytingartillöguna. Leiðin verður einungi stikuð og ekki farið út í jarðrask við stígagerðina.

Skipulagsbreytingin verður nú send til Skipulagsstofnunar og auglýsing birt i B-deild Stjórnartíðinda.

Skipulags- og mannvirkjanefnd leggur til við bæjarstjón að útgerðarfélagið Vonin ehf fái úthlutað lóðunum Stefnisgata 8 og Stefnisgata 10 undir atvinnustarfsemi við bátaviðgerðir. Umsækjandi sækir jafnframt um að sameina lóðirnar tvær.

Áformað er að byggja 300 fermetra hús á lóðunum og starfsemin í húsinu verður trefjaplastverksmiðja, bátasmiðja. Umsækjandi segir að nú þegar sé fyrirtækið með húsnæði á leigu og það helst til lítið. Starfsemin undanfarin ár hefur bara verið sú að gera við báta sem hafa þurft á trefjaplastviðgerðum að halda eða annarri líkri vinnu.

Sveitarfélaginu og starfsfólki sveitarfélagsins hafa borist nokkrar athugasemdir frá íbúum í
sumar vegna komu skemmtiferðaskipa til bæjarins. Athugasemdirnar hafa borist með
tölvupósti og í skilaboðum og athugasemdum á samfélagsmiðlum.

Upplýsingafulltrúi Ísafjarðarbæjar lagði fram yfirlit yfir athugasemdirnar á fundi hafnarstjónar í vikunni.

Meðal annars hefur verið kvartað undan skipsflautum, sem oft eru þeyttar í kveðjuskyni þegar skip yfirgefa Ísafjarðarhöfn. Er þetta talið óþarfa áreiti og eingöngu ætti að nota skipsflautur þegar nauðsyn krefur.

Einnig hefur verið kvartað undan því að gestir geri þarfir sínar utandyra, en þessar kvartanir bárust áður en salernisgámur var fenginn á Landsbankaplanið.

Þá hafa verið gerðar athugasemdir við mengun frá skipum þegar þau eru í höfn/á akkeri. Mengunarmælar eru staðsettir á tveimur stöðum í Skutulsfirði, í miðbænum og í Holtahverfi.

Svæði meðfram smábátahöfn, frá gatnamótum við Mjósund að Mávagarði, sem sérmerkt var fyrir gangandi var ítrekað notað sem bílastæði, sömu bílar stóðu þar jafnvel dögum saman.

Þorsteinsháfur er langvaxinn, grannvaxinn og hálfþrístrendur um bolinn. Hann getur náð 90 cm lengd en heimildir frá Suður – Afríku benda til að allt að 130 cm hámarksstærðar.

Haus er stór og tjóna alllöng, en þó styttri en hálf hauslengdin, flöt og frammjó. Nasir eru mjög framarlega og kjaftvikaskorur eru langar og ná nærri saman fyrir framan kjaftinn. Tennur eru svipaðar og í rauðháfi nema að tennur í efriskolti eru þríyddar. Augu eru í hliðarbrúnum haussins og innstreymisop rétt fyrir aftan þau. Tálknaop eru mjög smá. Bolur er um tvöfalt lengir en hausinn, stirtlan er stutt og sterkleg. Bakuggar eru svipaðir að stærð og lögun. Smár gaddur er upp úr hvorum bakugga. Húðtennur eru skaraðar og þríyddar. Rákin er dauf en óslitin og beygist við sporðinn niður á neðri fön hans.

Þorsteinsháfur er dökk- (rauð) brúnn á lit en uggajaðrar eru hvítbryddir.

Þorsteinsháfur er djúp- og botnfiskur sem veðst hefur á 200-1500 m dýpi. Hér er hann algengastur á 700- 800 m dýpi. Í maílok árið 1999 fengust þrír nýgotnir þorsteinsháfar, 25-27 cm langir, í botnvörpu suðaustur af Kötlugrunni (63°´N, 17°50´V). Hrygnur sem veiðst hafa í byrjun júlí hafa verið með fóstur og ein sem veiddist í febrúar var með þrjú, 6,5-6,7 cm löng, og voru þau með stóran kviðpoka. Í byrjun nóvember árið 2002 veiddist í Skerjadjúpi 83 cm hrygna, alveg komin að goti, með níu unga og var hver 25 cm langur. Þorsteinsháfur gæti því gotið á öllum tímum árs eins og svo margir djúpháfar virðast gera.

Í maga þorsteinsháfs hefur fundist síld, lax, laxsíld, silfurþvari o.fl. fisktegundir en einnig smokkfiskur.

Nytsemi er engin hér en sumstaðar hefur hann verið veiddur í bræðslu.

Af vefsíðunni hafogvatn.is