Landað var 1.182 tonnum í Ísafjarðarhöfn í síðasta mánaða. Klakkur ÍS var með 85 tonn af rækju en að öðru leyfi var aflinn botnfiskur.
Frystitogarinn Júlíus Geirmundsson ÍS landaði 183 tonnum af afurðum. Páll Pálsson ÍS var langaflahæstur með 478 tonn í fjórum veiðiferðum. Stefnir ÍS landaði 287 tonnum eftir þrjár veiðiferðir og Jóhanna Gísladóttir GK kom með 103 að landi.
Uppfært 6.9. kl 18:22. Fiskistofa hefur uppfært upplýsingar sínar um afla í ágúst landað í Ísafjarðarhöfn. Við bættist 100 tonna afli hjá Stefni ÍS landað 31.8. Afli Stefnis ÍS er þá 387 tonn í mánuðinum og alls var landað 1.282 tonnum í Ísafjarðarhöfn.
