Ísafjarðarhöfn: Tígur bauð lægst

Í gær voru opnuð tilboð í fyrirstöðugarð sem er upphaf framkvæmda vegna lengingu á Sundabakka á Ísafirði sem er langstærsta framkvæmd sem Hafnarsjóður Ísafjarðarbæjar hefur ráðist í. 7 verktakar skiluðu inn tilboði sem eru eftirfarandi::

Bjóðandi                               Tilboð kr          Hlutfall                           Frávik þús.kr.
JGvélar ehf. Reykjavík            63.291.000         144,2                             25.269
Terra Umhverfisþjónusta ehf., 61.166.015         139,4                             23.144
Keyrt og mokað ehf., Þingeyri 60.470.740         137,8                             22.449
Grjótverk, Hafnarfirði             47.476.000         108,2                              9.454
Steypustöð Ísfjarðar, Ísafirði   47.277.077         107,7                              9.255
Áætlaður verktakakostnaður   43.888.000         100,0                              5.866
Kubbur ehf. Ísafirði                42.477.000          96,8                               4.455
Tígur ehf., Súðavík                 38.021.770          86,6                                     0

 

Guðmundur M. Kristjánsson, hafnarstjóri sagði í samtali við Bæjarins besta að stálþilið væri í pöntun og von væri á því um áramótin.  Framkvæmdum við fyrirstöðugarðinn á að vera lokið 1. apríl  á næsta ári og ætlunin væri að þá yrði byrjað strax á dýpkun og dælingu inn fyrir garðinn. Á uppfyllingunni verða allmargar lóðir og hefur þeim þegar verið úthlutað til ýmissa fyrirtækja.

Athugasemdir

athugasemdir