Bæjarstjórn Ísafjarðarbæjar hefur samþykkt nýjan samning við HSV, Héðarssamband Vestfirðinga fyrir árið 2020. Er hann byggður á eldri samningi með breytingu á grein um húsaleigu- og æfingastyrki. Gert er ráð fyrir að samningurinn verði endurskoðaður í heild sinni fyrir 2021.
Framlag bæjarins er metið um 107 milljónir króna á ári og skiptist það í fimm liði.
Í beinan rekstrarstyrk fær HSV 13 milljónir króna á árinu 2020 og hækkað það um 2 milljónir króna milli ára.
Til þess að starfrækja íþróttaskóla er varið 10,5 milljónum króna. Íþróttaskólinn er fyrir börn í 1.-4. bekk. Skólinn skal vera í samfellu við skóladag nemenda.
HSV fær 750 þúsund krónur til þjálfarastyrkja. HSV úthlutar til þjálfara innan sambandsins en einnig er heimild til að úthluta til þjálfara utan HSV með þeim skilyrðum að styrkurinn nýtist til íþrótta, hreyfingar eða lýðheilsu íbúa Ísafjarðarbæjar. Styrkveitingum
er ætlað að auka hæfni þjálfara í Ísafjarðarbæ sem verður til þess að efla íþróttastarf og lýðheilsu í sveitarfélaginu.
Ísafjarðarbær leggur HSV til íbúðastyrk í formi afnota af fimm íbúðum Fasteigna Ísafjarðarbæjar ehf. Styrkur þessi er metinn á kr. 11,8 milljónir ár hvert.
HSV er ætlað það hlutverk, að úthluta tímum til íþróttafélaga í íþróttamannvirkjum
Ísafjarðarbæjar samkvæmt reglum þar um. Úthlutun tíma færist sem styrkur Ísfjarðarbæjar til HSV. Styrkur þessi er metinn á um kr. 70 milljónir ár hvert. Styrkveiting nær til félags, sem er fullgildur aðili að HSV.
