Dýrafjarðargöng – Framvinda í vikum 19 og 20

Hér er samantekt af því helsta sem gerðist í vikum 19 og 20 við vinnu Dýrafjarðarganga.

 

Í göngunum var haldið áfram með lagningu frárennslis- dren- og ídráttarlagna í hægri vegöxl og er nú búið að leggja um 800 metra. Vinna við lokastyrkingar á kaflanum frá gegnumbroti og að Arnarfirði er u.þ.b. hálfnuð.

 

Uppsteypu á sökklum í vegskálanum Dýrafjarðarmegin var haldið áfram ásamt uppsetningu á mótunum fyrir skálann sjálfan og samsetningu á fyrstu járnagrindinni.

 

Haldið var áfram með vegagerð í Dýrafirði m.a. skeringar ofan við veg og fór efnið í fláafleyga neðan við veg ásamt því að ræsi voru lögð í veginn. Haldið var áfram með mölun á efni úr Nautahjalla sem verður notað í efri lög vegarins.

 

Á meðfylgjandi myndum má sjá þegar unnið er að vegavinnu í Dýrafirði, uppsetningu á þéttidúk við munna í Dýrafirði, neðri hluta steypumóta fyrir  vegskálann.

Fyrir hönd framkvæmdaeftirlits Dýrafjarðarganga

Baldvin Jónbjarnarson

Athugasemdir

athugasemdir