Svava Rún Steingrímsdóttir var í gær með skemmtilegt verkefni með nemendum Tónlistarskólans.
Svava Rún er að ljúka námi í Skapandi tónlistarmiðlun í Listaháskóla Íslands og þetta var lokaverkefni hennar. Á námskeiðinu sömdu nemendur saman tónverk og fluttu, tónverkið nefndu þau Ef allt væri skemmtilegt.
Tónleikarnir voru hluti af barnamenningarhátíðinni Púkanum, sem stendur yfir þessa dagana.
Svava Rún verður með svipað námskeið á tónlistarhátíðinni Við Djúpið sem fer fram 17. – 22. júní nk. Námskeiðið er opið öllum.
