Hlutverk Orkusjóðs er að stuðla að hagkvæmri nýtingu orkuauðlinda landsins með styrkjum eða lánum, einkum til aðgerða er miða að því að draga úr notkun jarðefnaeldsneytis og auka nýtingu á innlendum endurnýjanlegum orkugjöfum.
Fimm áherslur voru fyrir úthlutun að þessu sinni; bætt orkunýting, minnkun olíunotkunar í iðnaði, raf- og lífeldsneyti og metan, hleðslustöðvar fyrir samgöngur og orkuskipti í haftengdri starfsemi. Alls var úthlutað fyrir 871,7 milljónir í 137 verkefni.
21 verkefni frá Vestfjörðum fengu styrk að samtals 151.186.000 kr.
Hæstu styrkir komu í hlut Ísafjarðarhafnar og Bolungarvíkurhafna sem fengu 20 milljónir hvor annars vegar fyrir hleðslutækja fyrir tvíorku dráttarbát á Ísafirði og landtengingu fyrir brunnbát í Bolungarvík.
Fiskeldisfyrirtækin Arctic Fish og Arnarlax fá stuðning til landtenginga, rafknúins þjónustubátar og tvinnkerfis í fóðurprömmum. Ánægjulegt er að sjá að sveitarfélögin hafa sótt um og fengið stuðning fyrir hleðslustöðvum og einnig að Þrymur vélsmiðja fékk stuðning til vetnisvæðingar strandveiða.
Ánægjulegt er að sjá stuðning við rannsóknarboranir í Tungudal og vinnsluholu á Patreksfirði sem eru í samræmi við tillögur starfshóps í orkumálum sem skilað var á vordögum. Einnig er góður stuðningur við orkuskipti í Árneshreppi sem eru hluti af vinnu verkefnsins Áfram Árneshreppur sem við á Vestfjarðastofu höfum aðstoðað við.
Orkuskiptin eru sannarlega á fullri ferð hér á Vestfjörðum og má þakka orkuskiptaverkefninu Bláma sérstaklega vel fyrir vitundarvakningu og stuðning við umsóknagerð hjá nokkrum af þeims em sóttu um.
| Umsóknarflokkur / umsækjandi | Heiti verkefnis | Styrkupphæð, kr. |
| Bætt orkunýting – Orkubú Vestfjarða ohf. | Rannsóknaboranir í Tungudal og vinnsluhola Patreksfirði | 13,200,000 |
| Hleðslustöðvar fyrir samgöngur – 3X Technology ehf. | Lagt á Djúpið, í orkuskiptum | 1,190,000 |
| Hleðslustöðvar fyrir samgöngur – Árneshreppur | Hleðslustöðvar í Árneshrepp | 10,000,000 |
| Hleðslustöðvar fyrir samgöngur – Finnur Ólafsson | Hleðslustöðvar í Bjarnarfirði á Ströndum | 520,000 |
| Hleðslustöðvar fyrir samgöngur – Gunnar Jóhannsson | Tjaldstæði í Hveravík við þjóðveg 645, Drangsnesveg | 1,050,000 |
| Hleðslustöðvar fyrir samgöngur – Orkubú Vestfjarða ohf. | Hleðslustöðvar á Vestfjörðum | 7,236,000 |
| Hleðslustöðvar fyrir samgöngur – Stefán Rósinkrans Pálsson | Hleðslustöð á Farfuglaheimili | 200,000 |
| Hleðslustöðvar fyrir samgöngur – Urðartindur ehf. | Hleðslustöðvar fyrir rafmagnsbíla | 520,000 |
| Hleðslustöðvar fyrir samgöngur – Vesturbyggð | Hleðslustöðvar í Vesturbyggð | 600,000 |
| Minnkun olíunotkunar í iðnaði – Arnarlax ehf. | Landtenging á fóðurprömmum | 10,000,000 |
| Minnkun olíunotkunar í iðnaði – Arnarlax ehf. | Tvinnkerfi (Hybrid system) í fóðurprömmum | 10,000,000 |
| Minnkun olíunotkunar í iðnaði – Fremri Gufudalur sf. | Fyrsta skref í orku skiptum í landbúnaði | 1,980,000 |
| Minnkun olíunotkunar í iðnaði – Heiðar Þór Gunnarsson | Rafmagnsdælur í haughús | 1,390,000 |
| Minnkun olíunotkunar í iðnaði – Hraðfrystihúsið – Gunnvör hf | Rafmagnskynding fyrir fiskvinnslu HG á Súðavík | 2,200,000 |
| Minnkun olíunotkunar í iðnaði – Íslenska kalkþörungafélagið ehf. | Orkuskipti við forvinnslu hráefnis fyrir verksmiðju Ískalk | 12,600,000 |
| Orkuskipti í haftengdri starfsemi – Arctic Fish ehf. | Polarcirk 100% rafknúinn þjónustubátur | 14,750,000 |
| Orkuskipti í haftengdri starfsemi – Bolungarvíkurkaupstaður | Landtenging fyrir Brunnbát í Bolungarvík | 20,000,000 |
| Orkuskipti í haftengdri starfsemi – Flugalda ehf. | Styrkir til orkuskipta 2022 | 8,500,000 |
| Orkuskipti í haftengdri starfsemi – Ísafjarðarhöfn | Hleðslutæki fyrir tvíorku (Hybrid) dráttarbát | 20,000,000 |
| Orkuskipti í haftengdri starfsemi – Norðureyri ehf. | Styrkir til orkuskipta 2022 | 10,000,000 |
| Orkuskipti í haftengdri starfsemi – Þrymur hf.,vélsmiðja. | Vetnisvæðing standveiða | 5,250,000 |
| 151,186,000 |
