Ný íslensk sjónvarpsþáttaröð „Fiskeldi samfélagsleg áhrif“ er að hefja göngu sína á sjónvarpsstöðinni N4. Þættirnir fjalla um starfssemi fiskeldisfyrirtækja og samfélagsleg áhrif vegna starfssemi þeirra á byggðir landsins.
Í þáttunum verður sjónunum beint að fiskeldi á Vestfjörðum og Austurlandi. Byrjað verður á því að fjalla um Vestfirðina, en hver þáttur er nærri klukkutími að lengd. „Fiskeldi vex hröðum skrefum á Vestfjörðum og íbúum sveitarfélaganna þar hefur fjölgað vegna þess enda talað um að fiskeldið sé viðspyrnan í atvinnumálum Vestfjarða,“ segir Karl Eskill Pálsson, sem er umsjónarmaður þáttanna ásamt Maríu Björk Ingvadóttur. Í þáttunum kynna þau María og Karl Eskill sér starfssemi fiskeldisfyrirtækjann og ræða við fulltrúa sveitarfélaganna og atvinnulífsins fyrir vestan.
Fyrsti þátturinn verður frumsýndur miðvikudagskvöldið 2. júní klukkan 20:00 á N4.
