Arna Lára Jónsdóttur, bæjarstjóri var um helgina kosin ritari Samfylkingarinnar. Atti hún kappi við fráfarandi ritara Alexöndru Ýr van Erven. Atkvæðatölur voru ekki gefnar upp en Arna Lára hlaut 59,77% greiddra atkvæða.
Arna Lára Jónsdóttir hefur verið bæjarfulltrúi fyrir Í listann frá 2006 og var varaþingmaður Samfylkingarinnar í Norðvesturkjördæmi 2009-2013 og 2017-2021.
Uppfært kl 14:19. Upplýst hefur verið að á kjörskrá voru 406 og þátttaka í kjörinu hafi verið 64,44%. Út frá þessum upplýsingum má reikna að 261 hafi kosið í ritarakjörinu og atkvæðin hafi skipst þannig að Arna Lára fékk 156 atkvæði og Alexandra Ýr 104 atkvæði og 1 atkvæði hafi verið autt.
