Það má heita traustur vorboði að kaffihúsið á Litlabæ í Skötufirði taki til starfa. Svo var í gær að það opnaði. Í fyrra var opnað um miðjan maí og var strax mikið aðsókn. Guðrún Fjóla Kristjánsdóttir sagði þá að um þriðjungurinn væru erlendir ferðamenn af skemmtiferðaskipunum, annar þriðjungur erlendir ferðamenn á eigin vegum og um þriðjungur væru Íslendingar.
Ljóst er að gestir skipta þúsundum yfir sumarið en opið er fram í september.
Foreldrar Guðrúnar Fjólu, sem búa á Hvítanesi, Kristján Kristjánsson og Sigríður Hafliðadóttir, hafa staðið að rekstrinum frá upphafi. Kaffihúsið var opnað eftir að endurbótum á gamla bænum lauk. Það er Þjóðminjasafnið sem hefur umsjón með húsinu og stóð að endurbótunum.
Guðrún Fjóla og Sigríður.
Myndir: Kristinn H. Gunnarsson.
