Í tilefni 75 ára afmælis Tónlistarskóla Ísafjarðar verður opnuð sögusýning um blómlega starfsemi skólans.
Sýningin verður opnuð miðvikudaginn 3. maí.
Áður en sýningin hefst verða sungin vor/sumarlög í Hömrum kl. 17:00.
Samæfingarkakan sem er döðlukaka eftir uppskrift frú Sigríðar Ragnar verður á boðstólum. Í framhaldinu gefst kostur á að skoða sýninguna á fyrstu hæð skólans.
Vorþytur sem eru vortónleikar Lúðrasveitanna verða svo kl. 18:00.
Allir velunnara Tónlistarskóla Ísafjarðar eru boðnir velkomnir til að rifja upp gamla tíma og gerast fróðari um sögu skólans í leiðinni.
Arnheiður Steinþórsdóttir vann að sýningunni og naut aðstoðar Gunnars Bjarna Guðmundssonar við hönnun og útprentun.
