Í tilefni af formlegri opnun Verbúðarinnar pub eru bolvíkingar, nærsveitarmenn og aðrir landsmenn boðnir sérstaklega velkomnir til að fagna þessum tímamótum saman, á skírdag, fimmtudaginn 6. apríl frá kl. 17.
Í tilefni dagsins mun hanastéls meistarinn Gunnar Ingi Hrafnsson hrista fram sígildar unaðsveigar í bland við nýjar eins og honum einum er lagið. Drykkirnir verða að sjálfsögðu á tilboðsverði, enda vilja stofnendur Verbúðarinnar leggja sitt af mörkum í baráttunni gegn hamfaraverðbólgunni.
Verbúðin er hugmynd vaskra vestfirðinga sem allir voru sammála um að öldurhús væri hornsteinn menningar í samfélagi manna, en áþreifanlegur skortur hefur verið á slíkri starfsemi með þessu fyrirkomulagi í Bolungarvík um langt skeið.
Ásýnd og ímynd Verbúðarinnar er sótt í rætur Bolungarvíkur, sjálfa sjómennskuna til heiðurs þeim hetjum hafsins sem markað hafa spor sín í þessum grunnatvinnuvegi landsins.
Vilja stofnendur nota tækifærið til að koma á framfæri þökkum til allra þeirra fjölmörgu sem hafa lagt hönd á plóg og kallast með réttu velunnarar Verbúðarinnar.
Opnunartímar og viðburðir um páskana!
Miðvikudagur
17:00 – 00.00
Gleðistund (Happy hour) til kl 22
kl 21:00 Uppistand með Eyþóri Bjarnasyni. Mikið af nýju efni og allskonar kúnstir og hver veit nema að leynigestur láti sjá sig.
Miðaverð er 2.000 kr og miðapantanir eru í síma 847-8113 eða eythorbjarna@gmail.com
Fimmtudagur – Skírdagur
17:00 – 00.00
Formleg opnun Verbúðarinnar
Hanastél á tilboðsverði
Jötunn átvagn verður á staðnum með mat fram eftir kvöldi
Hanastélsmeistarinn Gunnar Ingi kemur, hristir og hrærir frá kl 17:00
Gleðistund (Happy hour) til kl 20
Föstudagurinn langi
17:00 – 00.00
Gleðistund (Happy hour) til kl 20
Laugardagur
17:00 – 00.00
Gleðistund (Happy hour) til kl 20
Sunnudagur – Páskadagur
Lokað
