Hér við land er hann algengastur djúpt í Berufjarðarál, undan Suður-, Suðvestur- og Vesturlandi og finnst allt norður í sunnanvert Grænlandssund.
Sennilega hægfara djúp- og botnfiskur sem þvælist stundum miðsævis. Hann hefur veiðst á 270-3675 m dýpi en er sjaldséður grynnra en 400 m. Hér hefur hann veiðst niður á meira en 1500-1600 m dýpi, en virðist algengastur á um 800 til 1100 m dýpi.
Fæða er einkum ýmsir fiskar, en einnig smokkfiskur. Þá hafa fundist stykki af hvalkjöti og spiki í maga gljáháfa á Íslandsmiðum svo hann fúlsar ekki við hræjum sem á vegi hans verða.
Tungumál | Samheiti |
---|---|
Fræðiheiti: | Centroscymnus coelolepis |
Danska: | portugisisk haj |
Norska: | dypvannshå |
Enska: | Portuguese dogfish, Portuguese shark |
Þýska: | Portugieserhai |
Franska: | pailona, pailona commun |
Spænska: | pailona |
Portúgalska: | carocho, pailona-preta |
Rússneska: | ortugál’skaja akúla |
Af vefsíðunni hafogvatn.is