Púkinn, barnamenningarhátíð á Vestfjörðum verður haldin í annað sinn 15. til 26. apríl. Einstaklingar, skólar og stofnanir eru hvött til að efna til viðburða á hátíðinni.
Þema hátíðarinnar í ár er Hvers vegna búum við hér?
Að þessu sinni verður lögð áhersla á heimatilbúin atriði, gjarnan með þátttöku foreldra. Hátíðin verður haldin um allan Vestfjarðakjálkann og er ætluð börnum á grunnskólaaldri.
Frestur til að skrá viðburði er til og með 2. apríl.
Það er hægt að sækja um styrki til viðburðahalds á hátíðinni. Heildarupphæð styrkja verður 800.000 kr.
Nánari upplýsingar veitir Skúli Gautason, menningarfulltrúi Vestfjarða í síma 450 6611
