Laugardaginn 29. apríl nk. mun ISAVIA, almannavarnir og viðbragðsaðilar á sunnanverðum Vestfjörðum æfa viðbrögð við hugsanlegu hópslysi á Bíldudalsflugvelli.
Af því tilefni vantar fólk til að taka þátt í æfingunni, þ.e.a.s. að leika þolendur.
Þátttakendur þurfa að vera 14 ára og eldri. Leika þarf fólk sem lendir í flugslysi. Nýliðar og ungliðar í björgunarsveitum eru sérstaklega hvattir að taka þátt.
Förðun hefst snemma á laugardagsmorgun og stendur æfingin til um kl. 14.00. Vel er hugsað um alla leikara, þeir fá að borða og fá smá glaðning fyrir þátttökuna. Öryggi er í hávegum haft.
Kynningarfundur fyrir leikara er haldinn í félagsheimilinu á Patreksfirði föstudaginn 28. apríl kl. 20.00-21.00. Mikilvægt er að mæta á kynningarfundinn.
Frekari upplýsingar veitir umsjónaraðili leikara, Vigdís Björk s. 894-9483 /vigdisbjork@gmail.com.
