Í auglýsingu í Lögbirtingarblaðinu krefst Ríkisskattstjóri skipta á 870 félögum fyrir héraðsdómi en umrædd félög eru sögð ekki hafa sinnt skráningarskyldu sinni þegar kemur að raunverulegum eigendum.
Í byrjun janúar var skorað á 1.165 félög að skrá raunverulega eigendur og virðist því sem nærri 300 félög hafi bætt úr skráningunni. Verður innlánsreikningum, greiðslureikningum og vörslureikningum, hverju nafni sem nefnast, í eigu eftirtalinna félaga læst að kröfu Ríkisskattstjóra. Þá sé þeim óheimilt að ráðstafa eignum og réttindum sínum eða stofna til skuldbindinga á sér nema telja megi ráðstöfun nauðsynlega til að forða þeim eða kröfuhöfum þeirra frá verulegu tjóni enda veiti ríkisskattstjóri þá fyrirframheimild til ráðstöfunar hverju sinni.
Meðal félaganna 870 eru þessi:
Gjöf Jóns Sigurðssonar
Búnaðarfélag Mýrahrepps
B-listinn í Norðvesturkjördæmi
Verkalýðs/sjómannafél Barðastrandarsýslu
Fjölmenningarfélagið á Vestfjörðum
Björt framtíð Ísafjarðarbæ
Samtök um kvennalista,Vestfjörðum
Búnaðarfélag Reykhólahrepps
Íþróttafélagið Reynir Hnífsdal
Myndlistarfélagið Ísafirði
Samkomuhús Súðavíkur
Veraldarvinir á Vestfjörðum
Minningarsjóður Flateyrar
Ísfirðingur,landsmálablað
Jafnaðarmannafélag Ísafjarðarbæ
Vestfirðingur,landsmálablað
Vörubílstjórafélag Ísafjarðar
