Fréttir

Hnífsdalur: 70 ár síðan barnaskólinn fauk af grunni

27/02/2023

Hnd_fok_b — Hér er mynd frá því hópurinn hittist árið 2003 þegar 50 ár voru liðin frá atburðunum.

Í dag eru rétt 70 ár liðin síðan sá einstæði atburður varð að barnaskólinn í Hnífsdal fauk af grunni í heilu lagi. Í skólanum voru þá 35-40 nemendur, skólastjóri og kennari. Fimm slösuðust illa, fjögur börn og skólastjórinn. Um kl níu um morguninn skall hvirfisvindur á skólahúsið og brotnuðu allar rúður á suðurgafli og húsið lyftist af grunninum. Segir í frásögn af atburðinum í Tímanum að húsið hafi tvístrast og gereyðilagst. Kennslustund stóð yfir og voru öll börnin inn í stofu og er það talið hafa afstýrt því að verr hafi farið.

Í gær hittust „fokbörnin“ og minntust tímamótanna. Sigríður Ólöf Kristjánsdóttir tók mynd af þeim, en faðir hennar var í skólanum, auk tveggja systkina hans og föður þeirra.