Nokkrir foreldrar í Bolungavík tóku sig til og söfnuðu fyrir gönguskíðum. Einstaklingar og fyrirtæki í bænum styrktu framtakið og tók elsti árgangur leikskólans við gönguskíðunum á fimmtudaginn fyrir hönd hans. Gefin voru 12 gönguskíði og 12 skópör, einnig voru gefin tvenn kennrara skíði og skór.
Greint er frá þessu á vefsíðu Bolungavíkurkaupstaðar.
„Við á leikskólanum þökkum kærlega fyrir þetta framtak foreldra og hlökkum til þess að byrja að æfa okkur og til skemmtilegra stunda á gönguskíðum.“
