Streymt verður frá minningarathöfn í Patreksfjarðarkirkju á morgun vegna snjóflóðanna sem féllu 22. janúar 1983. Fjórir létust og nítján hús skemmdust í krapaflóðunum sem féllu með skömmu millibili þann dag.
Slóðin er https://vesturbyggd.is/…/minningarathofn-40-ar-fra…/
Minningarathöfn um þau sem létust verður haldin sunnudaginn 22. janúar næstkomandi í tilefni þess að þá verða 40 ár liðin frá atburðinum.
Kl. 14:00 – Minningarstund í Patreksfjarðarkirkju. Séra Kristján Arason heldur minningarstund að viðstöddum Kristjáni Björnssyni vígslubiskupi. Tónlistarfólk af svæðinu flytur tónlistaratriði.
Kl. 14:40 – Gengið að minnisvarðanum. Viðbragðsaðilar verða í broddi fylkingar og lagður verður blómasveigur og kerti við minnisvarðann.
Kl. 15:15 – Minningarathöfn í félagsheimili Patreksfjarðar. Til máls taka:
– Úlfar Thoroddsen, fyrrverandi sveitarstjóri Patreksfjarðarhrepps.
– Þórdís Sif Sigurðardóttir, bæjarstjóri Vesturbyggðar.
– Guðni Th. Jóhannesson, forseti Íslands.
Að lokinni dagskrá býður slysavarnardeildin Unnur upp á kaffi og veitingar.
