– Lögreglustjórinn á höfuðborgarsvæðinu, Halla Bergþóra Björnsdóttir, hefur verið sett sem lögreglustjórinn á Vestfjörðum frá og með 1. nóvember til og með 30. nóv. Hún tekur við af Lögreglustjóranum á Norðurlandi vestra Birgi Jónassyni sem var um miðjan ágúst einnig settur lögreglustjóri á Vestfjörðum til næstu tveggja mánaða eða þar til nýr lögreglustjóri verður skipaður.
Þau svör fengust í Dómsmálaráðuneytinu að lengri tíma hefði tekið að setja ráðningarferlið í gang en gert var ráð fyrir og því stæði það enn yfir. Nú er verið að taka viðtöl við alla umsækjendur og hæfnisnefnd á eftir að skila niðurstöðum. Vonumst er eftir því að þessu ljúki á næstu vikum, segir í svari ráðuneytisins.
Sex sóttu um stöðuna. Umsækjendur eru:
Einar Thorlacius lögfræðingur
Gísli Rúnar Gíslason deildarstjóri/lögfræðingur
Helgi Jensson aðstoðarsaksóknari
María Káradóttir aðstoðarsaksóknari
Sigurður Hólmar Kristjánsson aðstoðarsaksóknari
Sigurður Ólafsson aðstoðarsaksóknari
Dómsmálaráðherra skipar lögreglustjóra til 5 ára í senn.
