Bæjarstjórn Bolungarvíkur samþykkti á fundi sínum 13. september 2022 að auglýsa tillögu að nýju deiliskipulagi Lundahverfis samkvæmt 1. mgr. 41. gr. skipulagslaga nr. 123/2010.
Deiliskipulag Lundahverfis nær yfir íbúðarsvæði og afmarkast af Þjóðólfsvegi og Höfðastíg í norðri, Völusteinsstræti og grunnskólalóð í vestri, Hólsá í suðri og Heilsustíg í austri. Svæðið er um níu (9) hektarar að stærð og er að stærstum hluta íbúðasvæði í aðalskipulagi.
Deiliskipulag verslunar- og þjónustusvæðis við Hólsá afmarkast af Hólsá til norðurs, Kirkjuvegi til suðurs til austurs af afmörkun VÞ-svæðis í aðalskipulagi og til vesturs eins og sýnt er á uppdráttum. Svæðið er um 0,7 hektarar að stærð.
Deiliskipulagstillagan ásamt greinargerð liggur frammi á bæjarskrifstofunni í Ráðhúsinu, Aðalstræti 12 í Bolungarvík og á heimasíðu Bolungarvíkurkaupstaðar, www.bolungarvik.is frá og með 21. október 2022 til og með 5. desember 2022.
Þeir sem telja sig eiga hagsmuna að gæta er gefinn kostur á að gera athugasemdir við skipulagstillöguna, frestur til að skila inn athugasemdum rennur út 5. desember 2022.
Skila skal skriflegum athugasemdum og/eða ábendingum til Bolungarvíkurkaupstaðar, bt. Finnboga Bjarnasonar, Aðalstræti 10-12, 415 Bolungarvík, eða á netfangið finnbogi@bolungarvik.is
