Kjúklingur í kasjúhnetusósu
Þessi stendur alltaf fyrir sínu og ekki skemmir fyrir hvað þessi uppskrift er ótrúlega fljótleg.
Hún er líka ekkert síðri hituð upp daginn eftir. Endilega prufið þessa og eins og með allar svona uppskriftir er um að gera að nota það hráefni sem ykkur finnst best.
Fyrir 4
- 150 g kasjúhnetur, ósaltaðar
- 1 laukur
- 1 rauð paprika
- 1 brokkolí
- 4 kjúklingabringur, t.d. frá Rose Poultry Sósa
- 2 hvítlauksrif, pressuð
- 1.5 msk hrísgrjónaedik
- 1.5 msk fiskisósa, t.d. Fish sauce frá Blue dragon
- 3 msk sojasósa
- 3 msk hoisinsósa
- 0.5 dl ostrusósa
- 2 tsk malað engifer (engiferkrydd)
- chilíkrydd, magn að eigin smekk
Aðferð:
- Hrærið öllum hráefnunum fyrir sósuna saman.
- Ristið hneturnar á þurri pönnu og hrærið reglulega svo þær brenni ekki. Takið af pönnunni og geymið.
- Skerið laukinn í skífur, saxið paprikuna og skerið brokkolíið í bita.
- Skerið kjúklingabringurnar í litla bita og setjið á pönnuna ásamt smá olíu og steikið í nokkrar mínútur eða þar til kjúklingurinn hefur brúnast.
- Bætið grænmetinu þá saman við og steikið áfram. Bætið hnetunum saman við og að lokum sósunni og látið aðeins malla við vægan hita.
- Bætið við chilíkryddi ef áhugi er á því.
Verði ykkur að góðu!
