Handboltinn í vetur: Hörður í Olísdeildinni

Núna þegar haustið er komið og veturinn er að ganga í garð þá fer tímabilið hjá handboltanum að byrja. Eftir sigursælt tímabil í fyrra sem endaði með deildarmeistara titli í Grill 66 deildinni fyrir Hörð þá er það Olísdeildin sem tekur við í vetur. Þetta verður í fyrsta skipti sem Hörður tekur þátt í efstu deild í handbolta sem og í fyrsta skipti sem handboltalið frá vestfjörðum gerir slíkt.

Mikil spenna er hjá liðinu yfir þátttökunni í efstu deild og um daginn voru strákarnir fyrir sunnan að keppa á Ragnarsmótinu á Selfossi, 17 til 20. ágúst. Tap gegn Fram og ÍBV í fyrstu tveim leikjunum en góður sigur í þriðja og síðasta leiknum gegn sterku liði KA.

Á meðan strákarnir voru fyrir sunnan skelltu þeir sér í myndatöku fyrir Stöð 2 og Olísdeildina. Þar tók hann Henry Birgir íþróttafréttamaður viðtal við hann Carlos okkar.

Viðtalið kom fyrir í íþróttafréttum stöðvar 2 25. ágúst og má sjá viðtalið inná vísi í eftirfarandi hlekki: Fréttagrein stöðvar 2 um nýliða Hörð í Olísdeildinni

Fyrsti leikur tímabilsins hjá Herði verður útileikur á Hlíðarenda gegn bikar-, deildar- og Íslandsmeisturum Val. Sá leikur fer fram föstudaginn 16. september klukkan 20:15.

Fyrsti heimaleikur tímabilsins verður svo rúmri viku seinna eða fimmtudaginn 22. september gegn KA klukkan 18:00 á Torfnesi. Eins og alltaf þá er FRÍTT á alla heimaleiki Harðar í vetur.

Sjá hér svo dagskrá vetrarins:

Þráinn Ágúst Arnaldsson