Vegagerðin hefur auglýst útboð á fyrirstöðugarði í Súðavík sunnan Langeyrar. Framkvæmdin er tilkomin vegna væntanlegrar kalþörungaverksmiðju sem rísa mun í Súðavík.
Það er Súðavíkurhöfn sem óskar eftir tilboðum í gerð grjótgarðs vegna landfyllingar sunnan Langeyrar við Súðavík í Álftafirði.
Heildarrúmmál fyllingar og grjóts er um 44.000 m3.
Verkinu skal lokið eigi síðan en 1. október 2022.
Tilboðum skal skilað rafrænt íTendSign útboðskerfinu fyrir kl. 14:00 þriðjudaginn 18. janúar 2022.
Fyrirstöðugarður og uppdæling á efni af hafsbotni til þess að útbúa landfyllingu eru áætluð um 38.000 m² og útbúnaður iðnaðarlóðar amk 32.000 m² undir fyrirhugaða verksmiðju Íslenska kalkþörungafélagsins.
Áætlað er að fullbúin verksmiðja vinni um 120.000 m³ af kalkþörungaseti úr Ísafjarðardjúpi á ári þegar hámarksafköst fást.
Áætlað er að um 30 störf +/- muni skapast við rekstur verksmiðjunnar og afleidd störf að auki.