Í nýbirtri yfirlitsáætlun vegagerðarinnar um jarðgöng á Íslandi eru teknir 6 kostir til skoðunar á Vestfjörðum og 23 alls á landinu. Það voru þeir Gísli Eiríksson og Freyr Pálsson sem tóku greinargerðina saman og nutu við það verk aðstoðar nokkurra annarra starfsmanna Vegagerðarinnar.
Milli Ísafjarðar og Álftafjarðar sýnir skýrslan tvo jarðgangakosti, annan 6,7 km langan milli fjarðanna og hinn styttri 2,3 km á Súðavíkurhlíðinni.
Kaflinn um þessi göng er svohljóðandi í skýrslunni:
