Vestfirðir: fasteignamat 22% af matinu á höfuðborgarsvæðinu

Fasteignamat hverrar fasteignar á Vestfjörðum er 14,9 m.kr. Það er skv. nýju mat Þjóðskrár aðeins 22% af matinu á höfuðborgarsvæðinu sem er 67,1 m.kr. Hér er um að ræða meðaltalsmat allra fasteigna, íbúða, atvinnuhúsnæðis og annarra fasteigna.

Meðaltalsmatið á Vestfjörðum er það lægsta á landinu. Næst kemur Norðurland vestra með 23,4 m.kr. meðaltalsmat. Matið þar er 57% hærra en meðaltalið á Vestfjörðum. Þriðja lægsta matið er á Vesturland 27 m.kr. Það er 40% af meðaltalinu á höfuðborgarsvæðinu og er þrátt fyrir það nærri tvöfalt hærra en meðaltalið á Vestfjörðum.

Athyglisvert að þrjú verðlægstu svæðin í fasteignamatinu mynda saman Norðvesturkjördæmi. Það þýðir að fasteignir í því kjördæmi eru verðminni en fasteignir í öðrum kjördæmum landsins. Þá vekur athygli að fasteignir á Suðurnesjum eru með næsthæst fasteignamat á landinu, þrátt fyrir mikla erfiðleika í atvinnumálum sem birtast m.a. í mesta atvinnuleysi landsins.