Bæjarráð Bolungavíkur hefur samþykkt að hefjast handa við þróunarverkefni um Bolafjall sem miðar að því að byggja upp framtíðarstefnu og aðgerðaáætlun til næstu þriggja ára.
Jón Páll Hreinsson bæjarstjóri sagði í samtali við Bæjarins besta að sett væri fram sú framtíðarsýn að útsýnispallurinn á Bolafjalli, sem nú er verið að byggja, muni draga að 100 þúsund ferðamenn á ári fyrir 2030. Þróunarverkefnið til þess að undirbyggja það markmið. Þar komi ýmislegt til athugunar sem vinna þarf að til þess að markmiðið náist. Nefndi Jón Páll að ferðalag upp á Bolafjall væri líka ferðalag til Bolungavíkur og því þyrfti að huga að skipulagi bæjarins, aðkomunni inn í bæinn, þjónustunni sem til staðar væri bæði í bænum og hvers konar þjónustu veita ætti upp á fjallinu og svo framvegis.
Í kynningu á verkefninu er litið til Nord Kapp í Noregi og byggt á þeirri uppbyggingu sem þar hefur átt sér stað.
