Mikill hallarekstur í Vesturbyggð

Bæjarsjóður Vesturbyggðar  hefur verið rekinn með miklum halla í ár og á síðasta ári. Nemur áætluðum uppsöfnuðum halla 178 milljónum króna, 101 milljón króna á árinu 2018 og 77 milljónum króna á þessu ári.

Hvorugt árið duga rekstrartekjur fyrir rekstrargjöldum og  er hallinn 40 milljónir króna á árinu 2018 og 17 milljónir króna a þessu ári. er því ekkert eftir af tekjum til greiðslu upp í fjármagnsgjöld.

Bæjarsjóður er einnig mjög skuldsettur. Skuldir og skuldbindingar í lok árs 2018 voru 1432 milljónir króna og eru áætlaðar verða 1525 milljónir króna í lok þessa árs. Samkvæmt þriggja ára áærlun verða skuldirnar í lok árs 2023 orðnar 1683 milljónir króna. Séu bæjarsjóður og stofnanir bæjarins teknar saman þá nema skuldir samtals 2082 milljónir króna í lok ársins.

Samkvæmt tillögu að fjárhagsáætlun fyrir 2020 er ætlunin að snúa við rekstri bæjarsjóðs Vesturbyggðar þannig að afgangur frá rekstri verði 15 milljónir króna í stað 77 milljóna króna halla. Er þetta rúmlega 90 milljón króna viðsnúningur. Samkvæmt greinargerð með fjárhagsáætluninni fyrir 2020 munu 60 milljónir króna nást með fækkun stöðugilda og öðrum hagræðingaraðgerðum.

DEILA